Thinghluaimimkung Fut A Tong Lo Mi Cung Thlaseikai Riaklangva, Riakmaw Iang, Diego Armando Maradona

October 30,10,1960-ah Argentina khawpi Buenos Aires hauka Lanus-ah Anu nih hi vuleicung nun hmang ve dingin a hring,a chuak.

Phung,hrihlehram lei zongin mi tangchiah mi an si pinah sifak san tlailo,nun can har ngai mi an si.

Kumriat mi a si ah footballcoach Francico Cornejo nih pumpululh a chuihliao ava hmuh ngelcel I,Thilmak ka hmuh. 1969 ruah a sur lioah kum 8 mi pumpululh chuih ka hmuh le mahbantuk kha ka nun chungah ka hmu bal ti lai lo…

Hngakchia asi! Upa tluk tein pumpululh a chuih kho, lente aa celh,Maradona thiamzia hmutu mi vantha hmasa a si, ka si a ti.

Mah cangpak I, ‘Khrihfabu’ nei kho, kum 2000-‘FIFA Player of the Century’ ca I, Pele hen an thim hna kha footballer hna laki mi ropui an si zia cu, mi ropui an si le silo hi statistics-nih an chim thiam bik lai,

Kho bik lai lo.

Kum 16 a pum hlumhlanah Argentinos hrangah professional foodball-ah hram thawk in Boca juniors

‘Legen’ si dingin club lian deuhah a thial I, club cai, a cawlcangh ning le fans-nih an miakpi ning chim cawk a si lo,striker a si lo buin game 167-a goal 115 a kawl Boca cai a cawlcangh ning cu a khaikhawm dih,chim cawk le tial cawk lo a si.

Kum 16 a pum hlumhlanah Argentinos hrangah professional football-ah hram thawk in, Boca juniors

A club hmasa bik Argentinos juniors nih hin Maradona hi ani uang tak tak, an stadium min ah ‘Estadio Diego Armando Maradona’tiah min an sak, stadium luh lai ah, “Vuleicungi footballer a chuakmi hna laki mi cungcuang,thiam bik nih October 20, 1976-ah khan hi stadium-hin a football caan hmang hram aa thawk tiah an tial!

Vuleicung footballer mansang bik dingi Barcelona-nih an cawk ah khan kum 22 lawng a si,

Kum 1984 King’s Cup final-Athletic Bilbao he an buai le ivuak velhnak tiang a chuah zong kha Maradona an huat tuk le an nautat tuk,an hnahchuah tuk ruang I a chuakmi a si.

Vawitamtuk an hliam a celh tilo a dinhtak hna buin, game 58-a goal, thunlut.

Vuleicung football player man sang bik siin Barca ah a um, mah hnu ah vuleicung footballer man sang bik si dingin Italy-nih “Nepoli-nih an cawk than.

NAPOLI FAPA SUILUNGVAR

Maradona hi Argentine sihmanhlaw, Naples khaw chuak men ah an ruat lo, Nales-ah amah naki ropui le minthang hi an um kho lo-chuah zong an chuak ti lai lo!

Vuleicung club lian nih an icuh buin club min hmanh theih huaha lo Napoli cu 1984 ah khan a fawnh

Hna kha a si.

Napoli hi Italian football-min thangnak nei lo cu chim lo,Italy chim lei um mi a si I, Italy chim lei phek club reng reng kha Italian league-ah voikhat hmanh an champion bal lo.

Club ‘ tenau’ a um ruang ah hinclub lian fans-nih an terhhawh an au hnawh an ti hraam I,

Pumpululh a chuihnak pohah amah peng an ngiar, an ti hraam zung zal,an deuhsawh, cu lawng a si rih lo,Italy ram cimle hmar hi a hmuthiamlo mi an si,hmarlei nih chim lei hi zei teah an rel hna lo, mah hna hmun a kal hrim hrim cu zomhtaihnak chinchin ah an hmang,cu kawng chim fiang dih ding cun Maradona cauk rel maw, a documentary zoh a hau hnga.

Langhter duh mi cu, vuleicung minthang milaar vialte hna lak zongah a minthang cem ti zongah kanpalh susl leem lai lo,mi tihraam tongtuar bik le nehsawh thlanglamh tuartu bik cu Maradona a si,ti a si. milaar vialte hna lakah ,zaangfak, hraamkautu neitam bik zong a si ti a si.

Naples khua mipi nih ‘khamhtu’ an nei ti an itheih I,an tha a nuam,uangthlar awk nei lo khawpi nih cun Maradona an neih hnu cun lomh tlamtlingin an ilawm..

1986-87 ah a vawi khatnak Napoli nih Serie An champion ve, Italy-ah hin foodball-champion hi an lomh lengmang tawn I,World Cup-I, an champion zong an lomh I, Serie I-Napoli champion Naples khua mipinih an lomh bantuk hi cu vuleicung zongah a um rih lo,thla 1 leng an lomh an ti!

1984-1991 chung Napoli caah aa celh I, Serie I a club tenau kha voi hnih a champion-pi hna.UEFA Cup-I a champion pi hna hnu ah Italian Cup le Italion Super Cup a lakpi than hna. Naples khua clup caah hin goal 115 a kawl I an caah cun pathian tenau a si an ti-a chansaling a hmannak hmun a si.

Italy-nih 1990 World Cup an dong tan ah khan Naples khuah hin Italy le Argentina kha semi final-ah an itong,’Naples khua nih tanh deuh ding zong an theilo an ti hna, Naples khua mi tam deuh nih cun

Maradona ruangah Argentina nih an tei hna kha an ilawm ngai ko an ti hna.

Napoli a chuahtak hnu khan Spain-ah kirthanin Sevilla ah um in, a caan hmadung leiah Argentina-ah a kirthan I,Boca Junios-ah a club football caan donghtiangin a hmang kha a si.

WORLD CHAMPION EL DIEGO

Kum 1978 ah khan Argentina-nih World Cup an dawng I, hi hlanah kum 16 mi Maradona cu ram cai,chuih hram a thawk cang ve ruangah mi tampi nih Maradona cu World Cup-I chuihve dingah an ruah nain,Coach Luis Menotti nih a hngakchiat deuh ruangah a chawng,

Argentina football league ‘star’ hram aa thawknak kha a si.

1982 World Cup-ah Argentina ah a telin, a club telnak stadium Nou Camp-ah I thawkin an cak lo. Game 5 ah goal hnih a kawl 1982-an philhkhawh lo mi cu an thluk, an chuih hram tuk,anti hraam tuk ruangah,zoh dawhlo ngaii,a red card hmuh kha a si an ti ,atuar kho ve lo, aa sum kho ti lo an ti.

1986-ah khan cun Maradona tak tak kan hmuh kha a si.vuleicung a cul dih,nupa athen phah zong an tam ti a si kha! Mexico-nih World Cup a dongi, Maradona’ amah lawng nih ‘ Argentina a champion-pi hna, tiah an ti.foodball hi ‘team game’ cu a si ko,sihmanhsehlaw, Argentina nih khan Maradona hi nei hna hlah she law an champion hrim hrim lai lo an ti.

Ka tisual man zong ka tuar cang.Football belte thurhhnawmhter asi lo a ti. Thla 15 an rak dinhter mi kha a chim duh mi a si.Football nunah cun amahnak thiam minung an chuak kho than ti hnga maw?

Ti hi vuleicung mi nih an ihal zungzal ding a si lai,ram ca I a thathnem ning cu hi ti hin a fiang tak tak,

Argentina catialtu pakhah Gustavo Bernstein nih cun,”Argentina is Maradona , Maradona is Argentina,” a rak ti.A rak champion pimi pawl le minthatnak an rak hmuhmi vialte kha amah Maradona thawng dih a si.

Vuleicung minthang hna lak hmanh ah Maradona bantuk minthang a chan lioah vuleicung pumpi a hnin kho dihtu le minthang cungcuang an um kho hrim hrim ti lai lo an ti,

Vuleicung minthang vialte hna lak ah Maradona bantuk nehsawh thlanglamh mi hi an um ti lai lo,tiah

Nautat le zomhtaih tuki anti ruangah,Thinghluaimin kung fut tong lo,Riakmaw iang,ka tah chunh ,

Vuleicung milaar vialte hna lakah tluklo rimnam um chun keinih cun ka ti.

Vuleicung milaar si tung zaangfah hlawh bik cu Maradona hi a si.

Philhlonak ca-ah tiin,….

Be the first to comment on "Thinghluaimimkung Fut A Tong Lo Mi Cung Thlaseikai Riaklangva, Riakmaw Iang, Diego Armando Maradona"

Leave a comment

Your email address will not be published.


*