Ticung ah a tla i, ticung in a zuang kho mi, airport a herh lomi Vanlawng vawlei cung ah a ngan bikmi cu China nih tlamtling tein a tuah khawh cang.

China kong hi nan ruat bal ve maw, China cu ka theih bang nikhat hnu nikhat a thawng chin lengmang, Vawlei cung ram sang bik US zong nih a ttih bik mi ram cu china i usihlaw kan palh theing lailo dah, Coronavirus ruang ah China ram cu ramkip nih an huat dih, US President chin cu China virus titiang a ti hna, nain china chu dai zirzar tein a um ko, a technology lei zong a sang chin lengmang.

Hi hnu hmai lei ahcun China nihhin US hi alawnh te lai tihi chimkhawh a si lo, china cu alamkip in an tthangcho company in thil an ser mi a tam Asia ram ah thil hman bik mi cu china tuah hi a si, “chemical” si lei zong ah siseh ttih an nung, mi cheukhat cu a tulio COVID-19 hi china laboratory ah china nih an serchawm mi  nuclear hriamnam phunkhat a si a si ti hna an chim.

Vawlei cung ramkip cu Covid-19 rai ruang ah an buai cuahmah lio ah china cu a si ve lo, Nai ahkhan china nih vawlei cung ah a ngan bikmi vanlawng ” AG600 Amphibious Aircraft timi airport a herhlo mi ticung ah a ttum i, ticung in a zuang tthan kho mi Van lawng cu hlawhtling ngai in July 26 ahkhan an tuah khaw. 2017 in an rak buaipi cang nain, hitluk valawng a ngan mi hi cu an tuah khawh lai tiah ramkip nih an zumh cio lo nain a tlamtling tein a tuah kho, hi vanlawng hi a tumnak ding caah vawlei hmun hma a herh lo mi a si , airport aherh lo tinak a si, ticung rili a tla i, rili in a kai kho mi vanlawng a si. Source: Xinhua News.

video zohnak link asi…

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor.

Be the first to comment on "Ticung ah a tla i, ticung in a zuang kho mi, airport a herh lomi Vanlawng vawlei cung ah a ngan bikmi cu China nih tlamtling tein a tuah khawh cang."

Leave a comment

Your email address will not be published.


*


error: Content is protected !!