Tleirawl Kum 18 Mi Nute A Thih Ning Cu Lung A Fak Tuk Hringhran Ko E

Vanchiat nak hi cu a ho cung poh ah ruah lo piin a tlung tawn ko e. Tleirawl 18 minu te cu nau a pawi ai thei loh i, fa a hrin tlawmpal ah a nunnak a liam tiah thawngtheih a si.

Danielle Jones, 18 minih hin nau a pawi ti i theih loin, an um nak Bristol ah fapa Danny a hrin i, a hnu ah a dam lo ngai i nikhua thei loin can a hman hnuah sizung ah an kal pi.

Sinain sizung an phanh cun, sibawi nih a nunnak an chanh kho ti loh i, a nunnak a liam.A pawng ah hin naute pa Ozzy Godfrey zong a um ve.. Ozzy Godfrey nih hin Danielle nih a thihtak mi cu a tuar tuk hringhran i nangmah hi kan sung sual lai ti ka phan tuk mi pei a si cu ka tuar kho bak loh e tiah tahhla a lawh.

Fapa dawh tuk mi le chuakthiam tuk mi a neih ta nain a mah cu a nunnak a liam diam ko. A fapa muihmai te zong hmuta loin a nunnak a liam mi hi cu lung a fak hringhran ko mu. Godfrey nih hin a fapa tecu daw tele nuamten chiahkhawh ding in i zuam bute cun, lungfak mitthli tla in Danielle cu mangtha a tuah.

GoFundMe Page nih a vui nak ding le a fapa zohkhenh nak ding phaisa an kholh piak i, Danielle thihnak hi a ruang theiding in palik nih tuanvo an lak cuahmah lio a si.

Be the first to comment on "Tleirawl Kum 18 Mi Nute A Thih Ning Cu Lung A Fak Tuk Hringhran Ko E"

Leave a comment

Your email address will not be published.


*