Trump chungkhar caah thawngtha tuk mi si. A dohtu saduhthahnak tlam a tling ti lo

Trump voihkhatnak impeach an tuah lio ah Senate hruaitu cu US Supreme Court Chief Justice a si kha. Atu voihnihnak ding caah Democrat pawl nih Trump impeach an tuah mi cu Senate an phan pi cang

Democrat lei in Senate Majority Leader Chuck Schumer le Nancy Pelosi nih an duh ning a cun, mah impeachment hi US supreme Court hruaitu bik Chief Justice nih hruai seh ti a si

Senate Majority Leader Schumer nih a chim ning a cun, thil zeipoah cu Chief Justice Robert kut ah a um cang tiin a chim.

Mah bantuk in a chim hnuah US supreme Court Chief Justice Robert nih lehnak a tuah cawlh i, US phunglam ning a cun, President impeach tuah ding in Senate ah hruaitu cu US supreme Court Chief Justice a si

Natein atu cu Trump hi US President a si ti lo caah keimah nih a voihnihnak Impeachment hi ka hruai lai lo, mah cu US phunghram ning tein a si tiin a chim

Schumer nih a chim than mi cu, US consitution nih mah bantuk in a chim zong ah Chief Justice nih Trump impeachment hi a hruai duh maw duh lo ti cu amah kut ah a um,

natein amah nih ka hruai lai lo ti a chim caah tiin Schumer nih Interview a tuah nak ah a chim than

Mah hnuah Schumer nih Sen. Patrick Leahy, Vermont state in Senator an thim mi nih mah impeachmetn hi a hruai lai tiin a chim than.

Democrat lei in Senate Chair pakhat a tuan a cun vote khat an sungh cang lai tinak a si. Chair nih vote ngei kha siang a si lai lo caah

Democrat pawl duh ning bantuk in Trump cu impeach tuah a si kho ti lai lo ti kha a fiang nga icang. Source-Washingtonexaminer

Be the first to comment on "Trump chungkhar caah thawngtha tuk mi si. A dohtu saduhthahnak tlam a tling ti lo"

Leave a comment

Your email address will not be published.


*