Trump le Biden Debate voi 1nak an tuahnak ah biaalnak le biaceihnak i hruaitu Moderator le Trump kar ah buainak a chuak.

Tuzarh ni hnih ni zan lei ahkhan Trump le Biden cu, Cleveland Ohio ah Debate voikhatnak an tuah i cu lio ah cun Christ Wallace hi, biaalnak le biaceihnak i hruaitu Moderator a si, debate an thawk tlawmpal nih Trump cu nawl a ngeih lo tuk caah, Christ Wallace nih rule ka ser mi hi na zulh awk a si tiah Trump cu a chim. cu caah Trump le biahaltu a si mi Wallace karah buainak a chuak caah, online in a zohtu mi tampi nih debate vialte lakah hna ahnawk bik le a chia bik a si an ti cio.

Debate an tuah dih in Democrats cheukhat an Trump cung ah an thin a hung tuk i, Joe Biden cu Next Debate ah i zuam  ti lo ding in an chim, a si nain tuni ahkhan Joe Biden nih next debate ah ka tel ko lai tiah a thanh than hi a si. Joe Biden le President Donald Trump cu hmaithla chung ah debates voihnih ngei ding an asi i, Biden nih Tuzarh nihnihni zan lei ahkhan campaign a tuah lio ah a chim mi cu zeiti a si hmanah Trump he debate an ngei ding cu a si hrim ko caah, ka caah cun zeihmanh buai ding mi a um lo, lih bia zong Trump bantuk in ka ram mi ka chimh hna lai lo, mipi duhning le hnatlak ning in rian a tuan mi ka si tiah raltha tein campaign a tuah lio ah a chim.

 

Trump le Biden cu Tuzarh Tuesday zan ahkhan face to face in Debate an tuah pakhat le pakhat an i sawisel i cu lio ah Biden nih Trump cu, nang mah cu America president vialte lakah a chiahru bik na si US mi tampi thihter tu le mitthli a tlakter tu President achia bik kan ngeih mi na si tiah a ti. CNN

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor.

 

 

Be the first to comment on "Trump le Biden Debate voi 1nak an tuahnak ah biaalnak le biaceihnak i hruaitu Moderator le Trump kar ah buainak a chuak."

Leave a comment

Your email address will not be published.


*


error: Content is protected !!