Trump nih Coronavirus damnak si kong athar in chim, US mi tampi ruahchannak apek hna.

 

Tuzarh Tuesday ni ahkhan President Donald Trump nih US mipi theih in Coronavirus Vaccine cu  zarh 4 chung tlamtling tein kan hman khawh cang lai tiah mipi a theihter cang hna , Dr Anthony Fauci zong nih Amreica mipi nih a ra lai mi khuasik thlacung ahcun hi Coronavirus damnak si hi tlamtling tein kan ngei cang lai tiah a theihter ve hna.

Trump nih Fox & Friends ah a chim mi hna cu hi coronavirus damnak si tlamtling tein tuahkhawh ding ahhin caan saupi kan i zuam cang i, si lei thiamsang hna zongnih biatak tein an nihzuam chuahmah ko, zarh 4, a si lo le zarh 8 chung ahcun a tha taktak mi damnak si cu tlamtling tein US nih kan tuah kho hrim lai tiah  a chim hna.

United States ahhin minung 6.57 million nih Covid-19 hri a kai mi an si i, minung 194,000 cu Covid-19 zawtnak ruang ah an nunnak a liam mi an si, US ahhin Coronavirus vaccine ah tuahnak companies a ngan deuh mi pawl hi 3 a si i cu hna nihcun an nihzuam cuahmah lio a si tukum donghnak lei ahcun tlamtling tein an tuah khawh cang lai tiah President Trump nih tuzarh nihnihni ahkhan a chim. Fox News.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.
English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor.

Be the first to comment on "Trump nih Coronavirus damnak si kong athar in chim, US mi tampi ruahchannak apek hna."

Leave a comment

Your email address will not be published.


*


error: Content is protected !!