Trump thil tuah ning cu Joe Biden caah cohlang khawh ding bak a si ti lo, US caah buai namen lo

Ni fatin US thawngpang 5 hrawng ka ttial peng. US thawngpang rel na duh peng a cun Chin Journal hi like/follow vun tuah law, nifatin US thawngpang 5 na rel khawh peng lai tinak a si

2020 election nih cun kan vulei pi a hninh dih bak ko, tu tiang Trump nih Joe Biden cu conceded a tuah duh lo ruangah department tampi nih zei rian hmanh an tuan kho bak ti lo. Trump nih nawl a pek hlan poah cu zeihmanh an tuan kho lai lo.

Joe Biden cu tu zan thawk in daily Briefing pek ding a si ve cang, natein officials in si lo in White House Trump official Briefing ah tel ve ding in tu tiang an cohlan duh bak lo. Joe Biden cu phunhrang lawng lawng a rian ko cang. Biden Administration nih rian ttuan ding in timtuahnak an ngei cang,

Natein Trump nih zeihmanh nawlngeinak a pee duh lo, Security Briefing tiang pek an duh lo. Atu zeihmanh tuah kho lo in an um sawh sawh ko cang. Trump nih ceilak in a tuah rih ko tinak a si

Bloomberg report nih a langhter ning ah cun, Joe Biden le Kamala Harris hna hi Obama administration lio le Trump lio ah Admin in Trump nih a phuan mi nih Briefing an pek hna lai

General Service Administration nih Transition process ah min thutnak an tuah hlan poah cu Joe Biden le Kamala nih Security Briefing an hmu kho lai lo.

GSA officials pawl nih election ah i dohnak tu tiang a um peng caah  le states cheu khat ah certified an pek lo ruangah sign-off nak caan an ngei lo ti an chim. Biden’s team briefing hi Wilmington, Delaware, ah diplomatic, intelligence & defense advisers he an ngei lai.

Trump thil tuah ning ah fiangtein alang mi cu, Democrat pawl nih kum 4 bak, Russia Hoax kongah an rak tuah ning, rian hmanh thatein tuan kho lo in an rak tuah ning vialte kha aphilh lo caah mah bantuk in Democrat pawl cungah a cawl cangh mi hi a si tiah an zumh.

Note: Lih le hrokhrawl thawngpang tial kaa tim lo. Thawngpang ka rel mi le mi dang nih an ttial mi credit ka pek mi hna hi source a hmaan mi a si maw ti ka zoh hnuah mah hi cu a hmaan mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hmaan lo mi a um kho mi a si.

Source ka lak mi, a hmaan lo mi a um ti nan theih ah cun zeitik caan poah ah ka theihter kho ulaw, cun keimah ca zong ah ralrinnak a ka petu a si hlei ah ka source kha thatein ka zoh nak ding a si lai caah le thawngpang a hmaan mi le dik mi lawng ka thlah peng khawhnak ding caah tiin zaangfah kan nawl hna.

 

Be the first to comment on "Trump thil tuah ning cu Joe Biden caah cohlang khawh ding bak a si ti lo, US caah buai namen lo"

Leave a comment

Your email address will not be published.


*


error: Content is protected !!