Ttih a nung hringhran ko, lainawng cio zong ah, Hibantuk hi cu minung ruahnak nih a phan lo.

Brizil ram Santa Catarina state ah nu Flavia Godinho kum 24 asi i fa a pawi lio mi sayamah nu pakhat cu, a hawinu nih a thah hnu ah, a lung a tling rih lo i , a paw chung naute cu a paw chung in a chuahpiak chap rih, hi fa a pawi mi nu nih fa a neihnak ding ah zarh 6 lawng an duh rih mi a si.

Brozil Police nih an chim ning ahcun hi lai a nawng mi nu hi a min ah Rozalba Grimm kum 28 mi a si i, kan ka hngal cang ti a theih, amah tein police sin ah a pe tiah an chim, cun Police nih biak an hal tiak ah a leh mi hna cu hi nu hi fa a ngei lai deng ah, thah in a fa firpiak dingin, zarhruk chung timhtuahnak ka ngei, cang mi tampi nih ka fa tiah an zumh sual lai lo , ti ka phang ruang ah fa a pawi mi bantuk in ka paw ka puarter i hman ka thlak i online in mipi hmuh ah ka pawpuarnak hmantlak cu ka tar tiah achim.

Hi lainawng nu Grimm nih police sin ah a pe hnu in a chim mi cu, Tukum hramthawk lei ahkhan a nau pawi cu a hrawh i, aa ngaichihtuk caah hi bantuk nau fir hi lawng a thinlung chung ah a um, naute nu ka thah ning cu  a hnu lei in lung in a cumh i a lung a mit a tlu hnu ah blade in nau tenu a pawchung i naute cu ka lak tiah police sin ah ai phuang.

Cun Naute cu amah nih sizung lei ah a va chiah i , nurse le doctor hmai ah kan inn ruah lo piin naute ka ngei tiah a chim hna, nain doctor le nurse hna nih an zumh pah lo tikah police an chim hna hi a si, a nu ruak cu ramlak minung umlonak inn a chia cia mi ah a tum a va chiah, naute cu nu a si i, a dam , a pi nih Cecilia tiah a mih a sak, a pi nih a chim mi cu naute a nu nihhin a pawi lio ah nute siseh tiah a saduhthah a si , a saduhtha bantuk in Pathian nih thluah a chuah ko nain hi bantuk in a fanu mui hmanh hmuh manh loin a nunnak a liam hi a si. musual nu cu thihlan thawng an thlak kho men a bia an ceih te lai.. Daily Mail. com.

 

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.
English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor.

 

 

Be the first to comment on "Ttih a nung hringhran ko, lainawng cio zong ah, Hibantuk hi cu minung ruahnak nih a phan lo."

Leave a comment

Your email address will not be published.


*


error: Content is protected !!