Ttih anung kho taktak khi a si, anupi alu a tan hnu ah, alu cu Police station lei ah aa kal pi.

Kan hnuzarh ni nga ni zing lei ahkhan India ram Uttar Pradesh state ah khua mi pa pakhat nih a nupi cu a lu atan i, anupi lu cu Police station ah keng in amah Police kut ah ava pe tuah The sun nih report a pek.

A nupi lu tantu pa amin cu Chinnar Yadav asi i, a nupi cu Vimla kum 35 mi a si, an nupa karlakah isiknak a chuak i, apasal nih cun a tuar kho tilo caah nam ahar mi alak i a nupi alucu a dan diam ko, amah zong hliam hma a tuar va caah anupi zong nih a velh ve ti an hmuh, police nih cu pa cu bia an hal tikah ah leh mi hna cu , hi tihin kei nih ka tha lo ahcun amah nih aka thah thiam thiam ding a si, caah ka himnak caah ka nupi cu ka thah mi a si tiah a leh hna.

A nupi cu lu a tan hnu in a lu cu Baberu Police Station ah a va keng i, amah tein police kut ah aa va ap hi a si, Police nih amah cu an tlaih cawlh i a bia ceih te ding in a zohkhen lio a si, Hi bantuk in hin tukum February thla ahkhan, hi state thiamthiam ahhin thil a raktlung bal cang Akhilesh Rawat 30 pa nih a nupi Rajani 26 nu cu alu a tan hnu ah Police sin ah aa ap ve. The Sun.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor.

Be the first to comment on "Ttih anung kho taktak khi a si, anupi alu a tan hnu ah, alu cu Police station lei ah aa kal pi."

Leave a comment

Your email address will not be published.


*


error: Content is protected !!