Tu zanlei thil cang mi thawngtha 2 le thawngchia

Cinkhua ah Ralkap nih an Tlaihmi Rev. Bual Sang a Luat Cang. April 7, zaan ah Cinkhua ah ralkap nih an tlaihmi Pastor Cung Lian Thawng i a pa Rev. Bual Sang cu nihin zanlei sml. 6:30 hrawng ah an thlah tthan cang, tiah thawng kan theih.

Nizan zaanlei sml. 3:30 hrawng ah HBA Quarters ah a ummi Pastor Cung Lian Thawng zong ralkap le palik nih an kalpi i, zaan sml. 7:30 hrawng ah an thlah tthan.


Rev. Bual Sang hi Cinkhua Baptist Church ah Pathian rian a ttuanmi a si. Palik nih zaan khat chung an hren hnu tu zanlei ah an thlah tthan hi a si. The Chin Journal

Hakhathar Lamton ah Motor Tampi Ralkap nih an Hren Hna. Hakhathar lamton (၆ လမ်းဆုံ) ah nihin zanlei sml. 3:30 hrawng thawk in ralkap nih Kalay lei in a rak kaimi motor pawl an kham hna i khualtlawng pawl i an phone tibantuk tiang in an check hna.

“Khualtlawng motor cheukhat cu an langhter cang ko hna,” tiah khuami pakhat nih The Chin Journal ah a chim. Atu ca kan ttial tiang ah motor cheukhat an hrenmi zong an um rih i, zeibantuk motor dah an si ti bel fiang in kan thei kho lo. The Chin Journal

Be the first to comment on "Tu zanlei thil cang mi thawngtha 2 le thawngchia"

Leave a comment

Your email address will not be published.


*