Tutan Dr. Nun Cun Lian bia chim cu Chin mi caahningza bak a si ko

Tutan Dr. Ngun Cun Lian bia chim mi cu chin mi caah cun rel ngam zong si lo, a hlei in ramthumnak ah um mi Chin mi caah cun a fak bak, mah bantuk in kan mithiam pawl nih bia an chim mi hi cu zeitluk in dah Chin mi caah a fak. Andrew Ngun Cung Lian: Nangmah cu zeibantuk minung dah na si? Kawlram hi international court ah zeibantuk ruang zong ah va si ko seh, zeibantuk ram upadi zong va buar ko seh, zei bantuk ram, zei bantuk bu le organization zong va si ko seh, taza an cuai, case an siam, sual an phawt tikah na thinlung ah miphun dawtnak, rampi dawtnak na ngeihmi ah na lungfah ve lo i na thinhun ve lo ahcun Kawlram mi ah i tel hlah. Kawlram mi ka si i ti hlah. Ramdang na um zong ah Kawlram mi sinak kha hlonh ko. Kawlram he kai tlak lo tiah i ruat ko.

Unau, na pa cung ah na thinhun ruangah na pa tazacuai mi si na duh maw? Na nu cung nai cenet lo ruangah a nu tazacuai tu si na duh ko maw? Na fapa cung ah na lungsak lo ruangah a pa tazacuai tu si na duh maw? Na faru / na tapa cung na thinhun ruangah tazacuaitu si na duh ko maw? Nang zeibantuk si dah na duh? Chungkhar buainak cu chungkhar phisin ding a si. Chungkhar buainak cu chungkhar lawng theih ding. Chungkhar he ai tlak ning in le chungkhar thinlung he phisin ah a tha bikmi a si.

Ramchung ah a cangmi buainak hi rammi ka si ti thei in, rammi dawtnak he phisin ding ah a thabik. Chungkhar zong theih lo, rammi si zong theih lo, rammi dawt zong theih lo, Kawlrammi ka sinak he nai pehtlai lo bantuk in Kawlrammi si ding zong ah nai tlak lo. President hlun U Thein Sein kha New York Mahantan court ah tazacuai tu hna. Rampi ruahnak petu Daw Aung San Suu Kyi kha Australia court ah ramdang mi hna nih tazacuai ding ah ai zuammi hna.

ICC ah Kawlram kha sualnak tampi in biaceih zung ah chuah pi ding in ai zuammi hna. ICJ ah Kawlram kha sualnak tampi he tazacuai ding in ai zuammi hna. Argentana ram biaceih zung ah Kawlram kha England ram um bu in tazacuai ding ah ai zuammi hna. Zeibantuk minung dah na si? Kawlram a ngeitu ( Miphun 8 ) le miphun tengnge 130 reng lo chung nih theih a cu cang. Kawlram ti din, Kawlram facang ei, Kawlram i paw i cawm. Kawlram ah a cuak mi si ko tung ah Kawlram tazacuai tu si hi miphun pakhat sinak in ningzak a si. By: Ngun Cung Lian.

 

Be the first to comment on "Tutan Dr. Nun Cun Lian bia chim cu Chin mi caahningza bak a si ko"

Leave a comment

Your email address will not be published.


*


error: Content is protected !!