UFC fighter Irwin Rivera Nih A Nau Le Pahnih Nam In A Tuk Mi Hna Kong I Bia An Hal I Bia A Leh Mi Hna Cu Dah Ngai Khuaruah Har A Si Ko

Image

UFC fighter Irwin Rivera cu lainawng case in Florida, Boynton Beach Palik nih an tleih tiah ESPN nih a langh ter.

Kum 22 mi le kum 33 mi a naunute pahnih naam i a tuk hna ruang ah tleih a tong tiah a si i nam i a tuk mi hna pahnih cu sizung lei ah an kalpi hna tiah an chim.

Upa deuh cu a hnulei, a lu le a baan ah naam tuk nak hliamhma a tuar. Hngakchia deuh cu a hnule, a hmai a baan le a kut pawl ah naam tuk nak hliamhma a tuar i, tu ah nungdam te in Siizungpi ah tuamhlawm ding in an um.

Palik ṭuanvoneitu pakhat nih cun “upa deuh nih, ka uu Rivera inn ah kan riak i zaan kan i hngilh lio ah nam he an rak ka tuk chih. Cu hnu cun a zam colh tiah a chim.

Rivera cu a nau le nem i a tuk khawh le cangka cun, an inn in a zam i January 7 zinglei nazi 7 (ET) hrawng ah palik nih cun an tleih khawh than.

Amah nih cun “an i hngilh lio ah kut donghrol a um mi namte a tawi min ka nau le cu ka tuk hna. Huham nei tuk mi nih a ka fial ruang ah ka tuah mi a si ko tiin palik sin ah cun a chim.

Image

Irwin Rivera buainak kong he pehtlai in,Ultimate Fighting Chiampionship pawlkomh lei nih thawngthanh nak an nei i mah cu ah cun “UFC fighter Irwin Rivera he pehtlai mi buainak a um timi thawngpang kan theih.

Amah zohkhenh tu manager sin zong in ‘lungbuai thluakbuai deuh ngai in a um” tiah thawngpang kan theih. Kan mah lei zong nih thawngpang cu kan dothlat cuahmah lio a si tiah a ti.

Kum 31 mi Irwin Rivera cu vuak i zuam nak i ai tel hmahnung bik cu September 19, 2020 (UFC Fight Night: Covington vs. Woodley) ah a si i cu tan ah cun teinak a hmuh. Amah hi Titan FC ah bantamweight champion a rak si bal.

CREDIT : Falam Online Media

Be the first to comment on "UFC fighter Irwin Rivera Nih A Nau Le Pahnih Nam In A Tuk Mi Hna Kong I Bia An Hal I Bia A Leh Mi Hna Cu Dah Ngai Khuaruah Har A Si Ko"

Leave a comment

Your email address will not be published.


*