Uico Bou Tamtuk ruangah An Innpa Nuva pahnih an nunnak a liam

Thailand, Mueang Chonburi khua i ummi kum 49 mi Jirat Wuttimananon cu an innpa hna uico a bou tawn mi nih a nengtuk cang ti a si, November 10th zan nazi 10:00PM hrawng ah an uico cu a bou tuk tthan i, Jirat Wuttimananon cu ai sumkho tilo i an innpa hna sin ahcun a va kal i nan uico hi hna a chet tuk, daihter deuh u tiah a va ti hna.

A sinan, innei tupa nihcun zeihmanh ah a rak rel piak lo i Wuttimananon cu a thinhung buin inn chung i meithal ai chiah micu a vai lakzau i a va fuh tthan hna. innnei tupa Mr. Yothin (kum 39) le a nupi Boonyanee cu an innhmai ah thil herhmi tete an rak ttuan cuahmah.

Jirat Wuttimananon cu thinhang tuk cia in a vakal i Yothin te nupa cu a meithal cun a kah hna. uico zong cu kah a timh nain a zaam manh. Cuti thil sual a tuah khawh hnu ahcun police sinah a mah tein a vaa report colh ve..

Jirat Wuttimananon nih “An uico bou cu a voitam tuk cang a ka neng tuk cang i, voi tampi ka complaints cang nan zeihmanh ah an rel lo, uico he hin na duh ahcun i vua ko uh tiah an ka ti ruangah ka thin a hang tuk i meithal in voi 10 bak ka kah hna tiah a chim.

Boonyanee naunu Wassana zong hi liao ahhin an inn ah a um ve nan hliamhma a tuar lo, Wassana nih “Kan inn pawng i motor a rat fatin tein kan uico nih a rak bouh peng tawn hna i, Jirat cu a thinhan tein a rak ra i fak ngai i bia an i el hnu ah meithal i a kah hna hi a si tiah a ti.

Mr. Yothin cu meithal kahnak a hliamhma a fak ngai i a hmun ah a thi colh, a nupi Boonyanee tucu a mit ah kah a si i Siizung lei i an kalpi cuahmah liao ah a thi ve. police nih Jirat Wuttimananon cu a thiltuah mi kongah i chirnak zong a nei lo tiah an chim, minung 2 thah, lainawng case in police nih an tlaih colh ve.

Uico bouh ruangah nupa nunnak tiang lakpiak le ithah hi cu a poi tak tak ko e.

Be the first to comment on "Uico Bou Tamtuk ruangah An Innpa Nuva pahnih an nunnak a liam"

Leave a comment

Your email address will not be published.


*