UN Security Council ah China kong ceih a si cang lai; China cu a cei tak tak can lai?

Kan theih cia banuk in Wuhan zawtnak ruangah vawlei ramkip cu muinak khuah a lut thluamah lio caah ram tampi nih China cu fakpi in an soisel tthangchiat cang i, China nih mah zawtnak kongah a dik lo mi thawngpang vawlei cung ngandamnak lei ah rian ttuantu WHO ah theihter tawn caah WHO zong a mualpho bak cang i. US lawmaker pawl nih WHO Director Tedros cu a tian in i phuah ding in an ti cang.

Covid-19 zawtnak kong hi UN Security council ah ceih ding in ti a si, Natein China kuzale Zhan Zun cu Council Meeting Chairman a si ruang ah a duh lo. Atu cu thlaruk hnuah Chairman hi i thleng lengmang a si cang caah March 27 ah Domican Republican ram in UNSC meeting Chairman a si cang caah, Covid-19 kong cu UN Security Council ah ceih ding in a cohlan cang. WHO Chief zong Margaret Chan a si i, natein mah zawtnak hi adai tikah vawlei chung ramkip nih China cu an zum duh ti lai lo

Dr. Anthony Fauci, Super Specialist, Virology & Epidemology, US nih Covid-19 zawtnak cu a dih hnuah Vawlei cung si a hlan bantuk in a si ti lai lo. International Monetery Fund (IMF) le World Bank Economists nih an chim ning ah cun rawl ruangah buainak tampi a chuak lai i vawlei hi kan buai tuk lai an ti cang.

Paletwa pawngkam le khuachung ah AA le Cozah ralkap kahdohnak a chuak, minung 7 nunnak liam……..Chin Ramkulh Paletwa Peng Nan-chawng-wah khua le Paletwa khuachung ah AA le Cozah ralkap karlak ah kahdohnak a chuak i khua mi minung 7 nunnak liam, inn 8 kaang, minung 8 fak ngai in hliam an tuar tiah kan theih.

Chin Ramkulh Sipin Minister hlun Salai Isaacs Khen nih, “2020 April 7 ah chun nitlak ti awktlak in an i kap. Paletwa khuachung zong ah an i kap i, khuami minung pakhat meithal kuanfang hliamhma a tuar. Cun, Nan-chawng-wa khua ah suimilaam 3:00pm tluk ah an i kap than i Nan-chawng-wa khuami minung 7 an thi, Minung 8 hliam an tuar,” tiah The Hakha Post ah a chim.

Hi kahdohnak ah a thi mi hna cu Pa Lin Parung (Kum 35), Pi Aung Tan (Kum 52), Pi Hawi Hnuai (Kum 43), Salai Kyaw Khine Oo (Kum 15), Nu Ma Htun (Kum 22), Salai Aung Lin (kum 18) le Nu Ma Htun fapa Kyaw Naing Lin (Kum 3) hna an si. Cun, Paletwa Peng Pyituh Hluattaw Palai Pu Sein Aung nih, “Minung pasarih an nunnak a liam ti thawng ka theih i ka ngaihchia ngai. Atu an i kahnak hmun i khuami a tam deuh cu Paletwa lei ah a zaam mi an si.

Paletwa khuachung ralzaam hna hi lam le sul lei an phih dih ca ah bawmhnak an ngah kho lo. Hihi zong hi biatak tein kan tawlrelpiak hna a herh. Cun, bawmhnak zong hi an herh tuk ca ah a lam kip in Chin unau hna nih zuampiak hram ko hna usih,” tiah a chim. AA le Cozah ralkap hi kan hnu Paletwa Peng Boungvum khua ah an i kap i inn 13 a kaang, minung pahnih fak ngai in hliam an tuar. Boungvum khuami an dihlak Paletwa khuachung

Be the first to comment on "UN Security Council ah China kong ceih a si cang lai; China cu a cei tak tak can lai?"

Leave a comment

Your email address will not be published.


*


error: Content is protected !!