US A-Ah cun Covid-19 sii Phawtzamh dingin State Hmun Kip Ah Kuat A si Cang

Donald Trump nih Covid-19 sii cu video live in chunh a duh ve ti a langhter mi nih chim

Caih a hlawhin a lar ngai ti a si.

Uktu, Hruaitu cu hi bantuk ding hi a si. White House official nih a chim ning ah cun President Donald Trump nih US mipi hna nih an tih tukmi covid hrirai zawtnak kongah hin us mipi hna ngam tein an um khawhnak ding caah Covid vaccine cu live in chunh ve ka duh ti us mipi theih ah a chim.

 

Former President Bill Clinton, George Bush le Barack Hussein Obama zong nih vaccine televise injection lak an i tim ti an rak chim cang kha.

Cu hnuah Media tampi nih project winner for 2020 president tiah an thangh lengmang mi Joe Biden zong nih Interview an tuah nak ah lak a tim ve tiah a chim ve cang tiah an chim.

President Trump le First Lady nih October ah covid an rak ngei ve cang kha. Walter reed in a chuak hnuah campaign a peh zulh khawh peng kha. President hi antibody a ngei cang lai tiah zumh a si.

A caah cun vaccine lak kha a herh tuk ti lo. Mi tampi nih vaccine dawng ding in an min an pek thluahmah cang hna, ti a si.

Covid sii hi phawtzamh ding in ready a si cang, Covid in a zaw mi tamnak State hna cu a tu hi covid sii kuat thluahmah an si cang. Zeitindah an phawt lai ti cu an mah state hruaitu pawl kut ah a um. A rang nak in phawt le zamh an si cang lai.

Covid kongah New York Governor Guemo nih heh tiah Trump a rak soisel cang kha. Trump a soisel tuk caah Trump nih Covid sii hi New York ah kuat a si lai lo tiah a chim hnuah New York Governor nih Trump cu taza cuai a timh than kha. Source-Theepochtimes

Note: Lih le hrokhrawl thawngpang tial kaa tim lo. Thawngpang ka rel mi le mi dang nih an ttial mi credit ka pek mi hna hi source a hmaan mi a si maw ti ka zoh hnuah mah hi cu a hmaan mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralring tein ka ttial zong ah Source ka lak mi ah a hmaan lo mi a um kho mi a si.

Source ka lak mi, a hmaan lo mi a um ti nan theih ah cun zeitik caan poah ah ka theihter kho ulaw, cun keimah ca zong ah ralrinnak a ka petu a si hlei ah ka source kha thatein ka zoh nak ding a si lai caah le thawngpang a hmaan mi le dik mi lawng ka thlah peng khawhnak ding caah tiin zaangfah kan nawl hna.Ka News a rak ka rel piaktu nan dihlak cungah lungthin tak in ka lawm.

 

Be the first to comment on "US A-Ah cun Covid-19 sii Phawtzamh dingin State Hmun Kip Ah Kuat A si Cang"

Leave a comment

Your email address will not be published.


*