US a buai tuk cang, a thimi 41 bak an si cang i, 1600 nih zawtnak an ngeih cang, Sianginn le thil dang tampi khar thluamah a si cang ko

I ralrin a herh tak tak cang, vawlei ram tthawngbik USA zong a buai chin lengmang. Atulio zawtnak ttih nung ngai mi ruangah USA zong a buai tuk ve cang i, Atu tiang a thimi cu minung 41 an phan cang i, mah zawtnak a ngeih mi hna hi minung 1600 bak an si cang. WHO nih mah zawtnak hi pandemic tia phuan hnuah USA ah sianginn tampi, bawlung chui le thil dang dang pawl hna cu khar dih a si cang i, mah lawng si loin US economic cu a tla thluamah i, Dow cu kum 1987 hnuah a hniam bik caan a phan. Mah bantuk in a thimi le zawtnak a ngeih mi an tam chin lengmang cang caah US Congressional hruaitu pawl nih a rangnak in rian an ttuan khawhnak caah le mah zawtnak hi an khamh khawhnak caah US dollar 8 Billion cu Emergency caah hman ding in House ah an pawm cang. Atu hi USA state tampi ah State of emergency phuan a si cang i, Washington, Florida, California le New jersey ah cun mipi cu ralrin tein um ding in cozah nih theihterhnak a tuah cang. Mah zawtnak ruangah vawlei a buai tuk cang. TheNewyorktime

Be the first to comment on "US a buai tuk cang, a thimi 41 bak an si cang i, 1600 nih zawtnak an ngeih cang, Sianginn le thil dang tampi khar thluamah a si cang ko"

Leave a comment

Your email address will not be published.


*


error: Content is protected !!