US a cozah nih Inn rang hmai ah Covid-19 ruang ah a nunnak liam mi Philhlonak le upatpeknak caah Thutdan an hun mi kong ah mi tampi nih an duh lonak an langter.

The Washington Post nih a langter ning ahcun , nizan Sunday ni ahkhan Inn rang White House Hmai ah thutdan 20,000 aatlar in an chiah dih, cu an chiahnak a ruang cu Coronavirus ruang ah Ameracan ram mi a nunnak a liam mi theih pengnak caah le upatpeknak caah an tuah mi a si.

America cozah nih hi thil hi a tuah ruang ah soisel a tawng ngai ngai, Covid-19 ruang ah a thi mi hi ting 2 leng an si i, thawng 20,000lawng thut dan an chiah caah mi tampi nihcun, a herh lo mi a si, rian lo rian ah tuah , a thi mi zat dihlak caah thudan a tuah khawh lo ahcun tuah lo in um ding a si ko, US cozah nih a herh lo mi an tuah tiah mi tampi nih an lungtling lonak an lengter nain, US cozah nih alangter tthan mi cu thutdan pakhat ah a thi mi minung pahra a huap ding kan tuah mi a si tiah a langter ve nain micheukhat cu thudan Pakhat ah mi 10 an thu kho tung lo tiah an soisel thiamthiam.

US cozah nih hi thil an tuah mi hi, US History ah Philh awk a tha ti lo ding, damlonak rai ruang ah US mipi an thih atambiknak a si caah US tuanbia ah Philh aw a tha tilo mi a si tiah an ti ruang ah hi thil hi an tuah hnawh chanh mi a si. The Washington Post.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor.

Be the first to comment on "US a cozah nih Inn rang hmai ah Covid-19 ruang ah a nunnak liam mi Philhlonak le upatpeknak caah Thutdan an hun mi kong ah mi tampi nih an duh lonak an langter."

Leave a comment

Your email address will not be published.


*


error: Content is protected !!