US A President Donald Trump Nih Amah DIRHTHOH Tu Pakhat A Rianin A Phuahnak A Ruang

USA president Donald Trump nih amah dirhthoh tu pakhat Defence Secretary Mark Esper cu a rian in a dinhter i Esper can aiah Christopher C.Miller cu a luhter colh. Trump nih tu bantuk dirhmun ah amah kilhkamh tu pakhat a dinhter micu biaholh tthalo deuh a um ruangah a si i Black Lives Matter buainak nih an pahnih karlak cu a buai ter hna.

President Donald Trump nih Black Lives Matter ruangah an thinhun nak langhter in sandaha rak piahmi pawl ralkap hmangin a rak khap daihter hna i ralkap pawl cu mipi pawl kham dingin a herhning i cawlcang dingin nawl a pek hna.

Cuthil cu Defence Secretary Mark Esper nih ttha a rak tilo i Trump khuakhaan nak a pom lo nak cu a rak aupi ve. Cu thok cun Presient Donald Trump le Esper karlak boruak cu tthat lo hram ai thok.

Esper nih Black Lives Matter boruak ah President Trump i khuakhan mi thilttha a si lo ralkap hmangin mipi pawl hrocer cu thilttha a silo tiah a ti tutan i Trump nih a rian in a phuah zongah hin Esper nihcun ramle miphun cu phungning tein kilkhawi le zohkhenh a si i keimah ai ah a ttuan dingmi an um cu a ttha tuk ko tiah, lunhawi tein a rian cu a dinhtak.

President Donald Trump nih Esper a rian in a phuah rual rual in a ttuancia mi cungah lunglomh nak bia a chim i Defence Secretary thar Christopher C.Miller nih a rian a ttuan khawh tuk lai tiah a ti. Chistopher C.Muller cu Director of the National Counterterrorism of Centre rak ttuan a si i a tu thokcun Trump hmurka chuak bantuk in Defence Secretary thar a si. (Source: Vapual Auaw)

Be the first to comment on "US A President Donald Trump Nih Amah DIRHTHOH Tu Pakhat A Rianin A Phuahnak A Ruang"

Leave a comment

Your email address will not be published.


*