US I Chinpa A Kap Tu Cu Myanmar A Si Ko Tiah A Nupi Nih Mitthli He A Chim Lung A Fak Ko Mu

US Indianapolis khua i a um mi Chinpa an kah nak i a thimi kong ah a nupi nih a chim mi cu, kanmah chinmi ( Myanmar ) minung bak a si tiah mitthli le ngeichia in a chim. Salai Cung Dawt Cem ( kum 19 ) cu zarhpi chun ah a nupi he motor in an chuak i, lamlak ah motor nih an pah hna i amah motor chung ah an kah chih than mi a si.

Salai Cung Dawt Cem nupi cu a hnulei ah a thumi a si i, anpa kahlio a hmutu a si ruang ah, palik nih an zung ah biafiang hal ding in an hruai i bia an hal.a chim mi cu mipi lunghrinh nak a tam ngai ve.

Anih nih cun “Zeiruang ah dah ka pasal hi an kah mi ka thei loh. Asinain, a hlan kan tein ruahman nak an nei cia timi cu a fiang. Kanmah he neihtuk in an kal hnuah an pah hramhram in kanpa cu an kah.Tutiang an cawlcangh ning le ka pasal an kah ning cu, ka mithram ah a cuang peng i tuzong ah hin ka tih tuk rih. A har tuk e.

“Zeiruang ah dah ka pasal cu nan kah? midawt thiam tuk mi a si i misual zong a si tung lo. ka pasal cu a lu bak ah an kah i a thaw zong a chuah rih ko nan, nikhat niah sizung ah a ka kal tak. Ka duhdawt tukmi ka hmaika bak ah an kah mi cu ka chanchung ah ka philh khawh tilo dingmi thil a si.

“Ka pasal kaptu cu fiang tukin ka hmu manh lo nain, kanmah (Myanmar ) laimi a si timi cu ka chimngam. Zeiruang ah dah mah miphun cu nan thah ngam, American ah kan rat mihi mah miphun thah ding ah kan rat tung lo. US nan ratnak chan le nan sinak cu nan philh maw?,” tiah mitthli tla buin a chim.

Tutiang Salai Cung Dawt Cem a that tucu palik nih an tlai kho rih hna loh. an kawl cuahmah lio hna a si. Mah cuah cun an lunghrinh mi hna cu palik phone number 317-262-TIPS ah chim khawh zungzal a si.lai. ( Express , CBS )

Be the first to comment on "US I Chinpa A Kap Tu Cu Myanmar A Si Ko Tiah A Nupi Nih Mitthli He A Chim Lung A Fak Ko Mu"

Leave a comment

Your email address will not be published.


*