US in nupi thit ah a tlungmi Chinpa cu coronavirus lunghringh ah siizung a phan

US ram ah nupi thit ding in Kawlram a tlungmi Chin mipa pakhat cu a dam lo caah Tedim cozah siizung ah siibawite in Covid-19 lunghrinh in March 21 ni thok in an zohkhenh tiah theih a si. Thil sining cu US ram in nupi thit ding in Tedim khua, Kaptel khuami kum 24 tlangval pakhat cu March 18 ni ah an khua a phan ti si. Cun tlawmpal ah an taksa i raifenh caah an khuabawipa nih cozah siizung ah theihternak a tuah ti a si. Tedim cozah siizung in siibawite nih cu mizaw cu siizung ah ni (14) chung an zohkhenh lai tiah theih a si. Tedim myone okechohyihmu U Go Suan Khai nih “A rak ra lio ahhin a zaw lo. Khua a phan hnuah a zaw. A rak bak ah ti aa kholh colh. A chungkhat zong nih kik tlaih i si lai an ti ko. A chungkhat pawl zong an lau tuk lem lo. Amah cu siizung i innthar an sak mi ahohmanh an umnak bal rih lomi innthar ah a dang tein zohkhenh a si.

Tuzingah siibawi nih a chimmi cu aa hliphlau hnga ko a ti. Mizaw an umnak ram in a rak tlungmi a si caah iralrinnak ah ka zohkhenhmi a si” tiah a chim. Kalay myo zongah Singapore ram in a rak tlungmi minu pakhat cu cozah siizungn ah a dang tein zohkhenh a si. Union Health Ministry zong nih ramdang in a rak tlungmi pawl an dam lo ahcun an naihniammi cozah siizung nawlngeitu hna sinah theihternak tuah ding in khuabawi le okechohyihmu hna sinah nawlpek an si tiah theih a si.c/p

Be the first to comment on "US in nupi thit ah a tlungmi Chinpa cu coronavirus lunghringh ah siizung a phan"

Leave a comment

Your email address will not be published.


*


error: Content is protected !!