US nih China cu ceilak in dan a tat hoi cang. China nih zeitin dah a leh lai ti cu zoh a si cang

House ah China dohnak ding caah tangka tamtuk mi an passed nak kong mah Chinpag ah kan ttial cang. China caah mangchia bak si ko. Mah zat tangka kha China dohnak caah an hmang lai caah China nih vawlei cung ah supply thawnbik a si nak cu a rau hlan ah tei a si cang lai ti cu zum cio a si.

China nih zeibantuk hmangin USA hi dan a tat ve lai ti cu mi thiampawl le expert pawl nih an zoh lio mi cu si

US House nih Chinese bank dantatnak ding caah pill an passed cang. US House of Representative nih cun China cozah nih Hong Kong ram caah national security law (upadi) a ser mi an cohlan lo ti langternak ding caah China official pawl he rian a ttuanti mi China bank pawl dantatnak ding bill an passed cang.

Mah Bill hi member an dihlak in an cohlan, Senate kuat a si lai i, Senate nih a cohlan hnuah White House lei ah kuat than a si lai. White House ah President nih min thutnak a tuah hnuah mah bill mi hmang khawh a si cang lai.

House speaker Nancy Pelosi nih cun House Foreign Affairs Committee-nih Hong Kong dirhmun kong a ceihnak a, China nih mah bantuk in security law a ser mi hi ‘One Country, Two Sytems’ a dihnak ding caah a si,

Mah bantuk upadi an hmang hnuah cun Hong Kong mipi hna zalawngtein an um tawn mi cu a dawng cang lai, cu caah China cungah fakpi in dantatnak hi kan tuah awk a si tiah a chim chap.  Credit-The Guardians

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor

Be the first to comment on "US nih China cu ceilak in dan a tat hoi cang. China nih zeitin dah a leh lai ti cu zoh a si cang"

Leave a comment

Your email address will not be published.


*


error: Content is protected !!