US President a cu ve ding mi Joe Biden nih a sin ah um rian ttuan a tlaihrem ning kong mipi nih an buaipi cang

Joe Biden Vs Tara Reade..Democrats Presidential candidate Joe Biden nih a luan ciami 1993 lio ah amah sin riantuantu Tara Reade nih tlaihrem a puhmi cu a dik lomi a si, a cang bal lomi a si tiah tuzing ah statement a chuah hlei ah MSNBC interview ah a chim.

Tara Reade nih 1993 lio ah Joe Biden cu motor chiahnak parking pawng corridor ah a ka tlaih i vanpang i a ka beh dih hnu ah ka duh na loin ka thil a ka poih i a ka tuaitam tiah a chim. Mah kong cu a hawile cheukhat le a nu a chim hna. A nu nih mah kong cu CNN anchor Lary King sin ah bawmhnak a rak hal bal nain zeihmanh ah an rak rel lo.

Mah kong he petlai in Joe Biden nih tuan ah zeihmah a chim duh lo. Asinain Tara Reade nih mah kong he pethlai in testified ka tuah ngam tiah media i a chim hnu ceo ah atu bantuk in Biden nih mizapi theih in statement a chuah i, MSNBC tiang interview an tuahnak a si.

Mah kong he pehtlai in Joe Biden nih a sin riantuan pawl sin ah mah kong hi phuan lo dingah minsen a thut ter timi zong a chuak. Tara Reade hawi pakhat nih cun keimah sin ah a rak chim bal tiah a chim ve.

Mah kong hi biatak tein hlathlainak an pehzulh i tazacuainak tiang a chuak khomi a si. FBI le DOJ nih hlathlainak an tuah taktak ahcun zapi hmai ah Joe Biden le Tara Reade nih testified an tuah khawh men tiah an chim. Tara Reade nih media hmai ah zapi theih in a chim ahcun atu nak in a buai chin te lai. Credit- Salai Lairamthang

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor

Be the first to comment on "US President a cu ve ding mi Joe Biden nih a sin ah um rian ttuan a tlaihrem ning kong mipi nih an buaipi cang"

Leave a comment

Your email address will not be published.


*


error: Content is protected !!