US President Biden Nih Trump Khuakhan Ciami Phunghram 17 Cu A Thlen Colh

US president ca i biakam nak a neih hnu ah Biden cu caan ka nei tam lo, rianttuan thok colh a hau ti’n a ttuan dingmi caah sign a ngan colh i President tthing Trump tawlrel ciami cu tam taktak a thlennawn. A tuah colh dingmi pawl sign a tthut micu president a ttuan hnu ni 10 karlak ah mipi theihernak le phuannak a nei lai tiah Biden Team nihcun a chuah.

Biden nihcun US president ai zuamliao in Trump lairel ning ,bia kalpi ning a duh lomi tampi a umnak kong a rak aupi cuahmah, US President ka si bakin ka remh colh dingmi thil tiah mipi sin ah a rak chim cia cang. US president a si bak i nikhat hman liam hlanah Trump tawlrel ciami phunglam 17 cu thlennawn i a duhning i tuah ding in sign a thut.

President Biden nih tuah dingin sign a thut tharmi phunglam 17 lakah covid 19 phungthar tuah ding le biatak deuh i kalpi ding le cupin ah mask i bunh hrim hrim ding, Trump khuakhan nak Mexico ramri kham mi cu chah colh dingin biakam nak sign, Trump nih a rak khammi Muslim ram cheukhat cu US luh sian tthan nak, nu le pa thleidan nak umlo ding. US ramchung i a ummi rammi sinak nei lo pawl buaipi ding, Covid 19 boruak ruangah bawmhnak pek ning ding, Paris Climate Agreement ah US luhtthan ding le WHO ah US luhtthan ding tibantuk pawl an si.

US presidential election results: Joe Biden on verge of winning, would  address America soon | World News | Zee News

Biakam nak a tuah dih bak ah President Biden nihcun “Caan kan neih lo ruangah kan duhmi tuah colh dingin a rannak i rianttuan kan i ot a hau, rianttuan ding hi a tamtuk lawmmam i thilttha a chuak ko lai.Kan philh mipawl thil zong kan kawlhawl cuahmah liao a si tiah a ti.

Demographics, economy and death tolls boost Biden in polls | Financial Times

“Pakhat le pakhat ai doh i ai ral manhding kan silo. Sin um bantuk in toidor tein um hna u sih i thim liao can i pakhat le pakhat i dohkalh nak pawl lungthin le ruahnak pawl kha cu kaltak in rian lei tu ah thinlung chia hna u si law lungrual tein kar hlang tti hna u sih,” tiah a ti. ( New York Times , VOA )

Be the first to comment on "US President Biden Nih Trump Khuakhan Ciami Phunghram 17 Cu A Thlen Colh"

Leave a comment

Your email address will not be published.


*