US President Thar I Hlan Ni Ah Pu Trump Tel Ai Timh Lo Nak A Ruang Cu A Fiang Bak Ko Cang Hi Teh Aw Maw Kathin

Image

2020 US rampi ithim nak cu mualphonak, buainak he tuchun nitiang kalpi thluahmah a si rih i President nawlneih nak i hlan ni cu January 20 ah tuah an timh.

Cu ni ah US President Donald Trump nih ai tel lo nak ding jong kha kanhnu te ah khan a chim cang i, cukong he pehtlai in Pu Trump kuttang i riantuan mi pakhat nih cun ramchung media sin ah chimfian nak a tuah.

US media ṭhenkhat nih an langhter ning bantuk in a siah cun, nawlneih nak i hlan ni i Pu Trump ai telduhlo nak a ruang cu ex-President dirhmun in US Tlangbawi zungpi a chuahtak duhlo ruangah a si ti`in US media ṭhenkhat nih an langh ter.

“US President dirhmun in White House thlanglam bualrawn in Marine One helicopter he White House a chuahtak timh, mah hrang ah cun, mipi telpi in ropui ngai in i tuahnak tuahding in hmalak nak an la cuahmah ti zong in an langh ter.

Khawika lei panh in dah an chuah lai timi cu theih a sirih loh nain, a hlan ahcun Scotland ram lei panh in Golf vuak a timh tiah thawngpang a thang. Cu thawngpang thang mi ruangah Scotland cozah lei in Covid boruak ruangah an ram ah an luhter sian lo nak ding kong thawngthanh nak zong an neih dih.

US President nawlneih nak i hlan nak cu 1937 kum in January 20 chunhnu ah hmantlangpi a si i ai din ding mi President zong nih an telpi tawn hna.

Image

Wikipedia i an langhter mi bantuk asiah cun, US President chan tuanbia ah nawlneih nak i pek ni i ai tel lo mi cu US President minung 3 lawng an um rih.

Tutan nawlneih nak i hlan ni ah, Pu Trump nih a telpi tak hna lo a si ah cun, “US President chan tuanbia i, nawlneih nak i hlan ni i ai tel lo mi US President palinak” tiah US tuanbia ah record an tuah lai.

Credit : Falam Online Media

Be the first to comment on "US President Thar I Hlan Ni Ah Pu Trump Tel Ai Timh Lo Nak A Ruang Cu A Fiang Bak Ko Cang Hi Teh Aw Maw Kathin"

Leave a comment

Your email address will not be published.


*