US Ralkap Bawi “Special Operation Commander” William McRaven nih US ram a hmuh ning a chim mi cu a tha kho taktak.

US ralkapbu bawi Osama bin Landen thah lio zong ah bochan ngai mi le 2011 lio ah US ralkapbu bawi Special Operation Commander a rak tuan mi  William McRaven nih kei cu Joe Biden vote ka pek lai a ruang cu US ram ah miphun thleidannak a um ruang ahhin US nih harsatnak an tawn hi a si, mah ramchung lila ah remlonak hi ramdang he i hmuh thiam lo nakkin tih a nung deuh mi a si, US ram chung remlonak ruang ah a nunnak asung mi an tam tuk cang tiah tuzarh Monday ni ahkhan a chim.

A chim rih mi cu Joe Biden a tuan ahcun US ram khua le ti a si ning a thleng lai i caah mipi nih nuam deuh le hnangam deuh in khua kan sa kho lai tiah Biden cu US President caah a that ning a chim lio ah President Trump kong cu Voikhat hmanh a chim lo.

McRaven nih a Twitter ah  tial rih mi cu Black Lives Matter pawl le Dreamers pawl zong nih rammi sinak citizenship hi an Phu tawk a si ve ko , ka ram a damnak ding ahcun kan thleidan ngai mi hna hehin remnak ser in thleidannak um loin kan um ahcun US ram ram a hlawh a tlinnak pakhat a si tiah a chim. Source Daily Mail.com

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor.

Be the first to comment on "US Ralkap Bawi “Special Operation Commander” William McRaven nih US ram a hmuh ning a chim mi cu a tha kho taktak."

Leave a comment

Your email address will not be published.


*


error: Content is protected !!