US ram ah Covid-19 zawtnak a ngei mi nu chim a ngai lo tuk caah Phaisa tam taktak dan an tat.

US ram nu pakhat cu Covid-19 zawtnak a ngei ko buin Spanish rili kam “La zurriola beach” mi tampi umnak ah a va i nuam ve i, a mah zohkhentu sibawi ataff le Police nawlngeitu hna nih an va auh i, a duh lo caah, a kut an khih i a duhlo cung in sizung lei ah an kalpi.

 

Hi nu hi a min anlangter lo i, amah zong nih covid-19 zawtnak ka ngei ko tiah a hngalh ko nain rili kam mitampi umnak ah a va i cawh, nawl ngeitu hna nih hi hmun in chuak tiah an chim pek ko nain nawl a ngai lo caah hramhramh in an chuahter hi a si.

US ram cu minung pakhat nih a duh paoh in, freedom, zalawng tukin umnak nawl an ngeih tuk caah pumpak chim a ngai lomi an tam police ca zongah riantuan a har ngai timi fiang tein a lang, hi covid-19 zawtnak a ngai mi nu quarantine rules a buar caah £5,500. dan an tat kho tiah. USA Today nih a langter.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor.

 

 

Be the first to comment on "US ram ah Covid-19 zawtnak a ngei mi nu chim a ngai lo tuk caah Phaisa tam taktak dan an tat."

Leave a comment

Your email address will not be published.


*


error: Content is protected !!