US ram cu duhsah tein Covid-19 hri a kaithar an ttum thluahmah cang.

US ram ah coronavirus kai thar a tlawm thluahmah cang, Coronavirus US ram a rak lut hnu in a tuning tiang ah an hlathlai tik ah Ausgust thla ni 10 cung i ah case thar hmuh mi an tlawm bik tiah Sunbelt nih thawngthannak a tuah.

 

State cheukhat a zualbik tawnnak California, Texas, Florida le Arizona zongah a liamcia mi thla nakin cu a tu thla hi case thar hmuh mi an ttum deuh i, Atu tiang ah American mi cu Covid-19 zawtnak in minung 162,000 an nunnak a liam cang i, buaktlak in a thi mi kan chim si ahcun Nikhat ah a thi mi 1,000 cu an si rih ko tiah ngandamnak lei tlangtlatu hna nih an chim.

Trump nih Mask hman a duh lo lio caan le hri a kai mi le , mipi nih Mask hi kan hman ding a si a tihnu in hri a kai mi an i dang tuk , cu caah mipi nih mask hman le (Social distancing) mipi he i naih lo hi Ameraca ram mi nih biatak tein kan i ralring ahcun zawtnak cu a tlawm thluahmah ko lai tiah WHO i riantuantu a si mi Dr Michael Ryan nih a chim. Today USA News.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor.

 

Be the first to comment on "US ram cu duhsah tein Covid-19 hri a kaithar an ttum thluahmah cang."

Leave a comment

Your email address will not be published.


*


error: Content is protected !!