US VOTE A Rel Tu Hna Nih An Hrelh Hraam Mi Vote 2,6oo Bak Hmuh Than Asi

Georgia’s Floyd County i vote reltthan nak ah presidential ballots 2,600 relchih lomi cu hmuh a si. Sinan hi nih hin Biden le Trump karlak ah zeihmanh thil a thlen ter kho hlei lailo, Biden nihhin vote 14,000 in a tei tthiam tthiam rih.Hi bantuk i vote an rak hrelh mi hi a ruangbik an tarlangh ning ahcun Election Official nih memory card i vote an thlak micu ballot scanning machine ah upload an philh caah a si tiah, Atlanta Journal Constitution nihcun a tarlang.

State voting sytem manager Gabriel Sterling lei nihcun hithil hi seh tlamtlin lo ruang silo in rianttuan tuhna fello le daithlang ruang ah a si tiin an chim ve. A sining tak ahcun rianttuan tu hna fello ruangah a cangmi a si i Sterling lei nihcun County election director cu a rian in dinhter dingin a duh.

Chairman of the Floyd County Republican chairman, luke martin zongnih vote rello i a rak ummi cu poi a ti tuk ve.cacawn ninga ni hlan ah vote thlakmi (ballots) dang zong reltthan viar a si lai tiah County Election Official lei nih an chim.

Georgia hi Republican an tam taktuk nak a rak si tawn i 1992 hnu lei ah Joe Biden cu Dimocratic presidential candidate ah teitu um chun a si.

Trump cu nihin ni tiang ah election ah teinak a hmuh lomi cu a pom kho lo i thil diklo mi cu lang hrim hrim dingin ttan a la cuahmah peng ko rih.

 

Be the first to comment on "US VOTE A Rel Tu Hna Nih An Hrelh Hraam Mi Vote 2,6oo Bak Hmuh Than Asi"

Leave a comment

Your email address will not be published.


*