USA ah suimilam 24 chungin minung 3176 an thi tthan; Trump nih Pathian a bohchan ning a chim; A bia chim mi cu Pathian caah cun ngai a nuam tak tak lai

President Trump hi a mak tak tak, mah bantuk in USA coronavirus ruangah a thimi an um lio ah mah bantuk bia a chim khawh mi cu uar um bak ko. Pathian a zum ning le a bohchan ning hi amak chin chin lengmang ko. President Trump nih a chim ning ah cun mah bantuk caan chia le thinak kan tawn lio zongah Pathian zum peng ko hna u si. Pathian caah zeihman tuah khawh lo mi a um lo. Pathian caah thil ngantuk mi a um lo tiin USA mipi cu lundawnglo in Pathian i bochan chin ding in a sawm hna

Chinmi ralrin tein um peng ko hna u sih, a thimi an tam thluamah lio a si i, President zong nih ruahchannak tampi he thawngthannak a tuah ve ang. USA cu nikhat chungah a thimi an tam tak tak ko ee!! US mipi nawl an ngaih lo ning hi cu a mak tak tak, mah bantuk in a thimi an tam ko bu in lengah an chuak i, a cheu cu mask zong hmang duh loin an um ko. Mah bantuk in thimi an tam lio ah Chinmi tampi cu rian an ttuan peng i, minung hi zeibantuk in rum ko hna hman u sih law, kan nunnak hi a dih ah cun tangka pawl hna cu zeihman a si lo. I ralrin chinhin han su si. USA cu zaangfah a si tak tak cang, a thimi an karh thluamah cang i, rian ttuantu pawl zawng mitthli he an um ko cang.

USA dirhmun hi a chia chinchin lengmang caah ralrin lo ah cun mah zawtnak hi fawitein chonh khawh a si caah i ralrin hi sii tha bik a si ko atu dirhmun ah cun US-ah COVID-19 zawtnak ruangah mi 50,243 an thi cang. A damlo mi hi 886,709 an phan cang. USA caah cun khuaci a mui tak tak. A tu dirhmun zoh ah cun mah zawtnak ruangah USA mipi a thi ding mi minung cu a tlawmbik ah 240000 hrawng cu an thi lai tiah an zum khi kha atu cu 600000 ah a kai cang.

Zahan suimilam 24 chung ah minung 3176 bak an thi tthan. Mah hi atu coronavirus zawtnak in nikhat ah a thi tambik record pathumnak a si. President Trump nih a tu hi cu test tampi kan tuah cang i, case zong a tlawm thluamah cang caah May nikhat thawk in USA mipi nih rian thatein kan ttuan khawh cang lai tiah a chim

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor

Be the first to comment on "USA ah suimilam 24 chungin minung 3176 an thi tthan; Trump nih Pathian a bohchan ning a chim; A bia chim mi cu Pathian caah cun ngai a nuam tak tak lai"

Leave a comment

Your email address will not be published.


*


error: Content is protected !!