USA ah um Chinmi Coronavirus zawtnak a ngei mi pahnih nih mual an kan liam tak cang i, atu hi minung 6 cu Coronavirus an ngei caah zohkhen lio an si

USA ah Coronavirus zawtnak in chinmi Washington D.C Area ummi Tedim lei kan uanau pakhat le Michigan state Battle Creek ummi Falam lei kan unau nih mual an kan liam tak cang. Tedim pa hi a chungkhar dihlak in mah coronavirus zawtnak hi an ngeih caah home quarantine in chia an si. Cun Indiapolish ah um David zong coronavirus a ngei caah siizung lei ah chia asi. Amah hi a hawi le he Basketball an nih celh nak in a ngei mi a si tiin thawngthei a si.

Chinmi lakah coronavirus test a tuah mi tampi an um ve cang i, chinmi unau pahnih Indianapolis ah um mi (An min langter kha a tha lo kan ti caah langter lo) cu coronavirus test an tuah hnuah coronavirus zawtnak an ngei ti thawngthei a si, mah thawngpang hi a hman mi a si maw si lo tiah Indianapolish ah um mi MSA Chairman Pu. Run Rem Lian nih a va chawn hna i, an unau pahnih in test kan tuah i coronavirus zawtnak kan ngei ti fiantein an chim. An unau pahnih in atu hi inn ah an nih zohkhen lio a si i tiin Pu. Run Rem Lian sin ah an chim. Source-CSM

Chinmi ralrin tein um peng ko hna u sih, a thimi an tam thluamah lio a si i, President zong nih ruahchannak tampi he thawngthannak a tuah ve ang. USA cu nikhat chungah a thimi an tam tak tak ko ee!! US mipi nawl an ngaih lo ning hi cu a mak tak tak, mah bantuk in a thimi an tam ko bu in lengah an chuak i, a cheu cu mask zong hmang duh loin an um ko.

Mah bantuk in thimi an tam lio ah Chinmi tampi cu rian an ttuan peng i, minung hi zeibantuk in rum ko hna hman u sih law, kan nunnak hi a dih ah cun tangka pawl hna cu zeihman a si lo. I ralrin chinhin han su si. USA cu zaangfah a si tak tak cang, a thimi an karh thluamah cang i, rian ttuantu pawl zawng mitthli he an um ko cang.

 

Be the first to comment on "USA ah um Chinmi Coronavirus zawtnak a ngei mi pahnih nih mual an kan liam tak cang i, atu hi minung 6 cu Coronavirus an ngei caah zohkhen lio an si"

Leave a comment

Your email address will not be published.


*


error: Content is protected !!