USA ah um mi Chin mi vialte kan tlai sual hlan ah ralrin tein um cang u sih, midang nih cun ralrin tein an um cang ko hi

Mirang phungthlukbiak (Prevention is better than Cure) damter nakin kham a tha diu ti caan kan phan cang caah USA ah ummi Chin mi vialte midang zong ralrin teina an um cang caah ralrin tein um kha a tha bik a si. Vawleipi athintur cang. Zeitindah kan irunven lai timi an thei kho ti lo. Zumhbikmi US cozah zong athinphang cang. Vawleicung zawtnak leiah tunvo latu WHO zong nih vawleicung ram sinah iralring u ti hlei tuah khawhmi a ngei ti lo. America ramchungah tulio zawtnak a ngeimi minung athimi an um cang. Atu record ah cun mah zawtnak ruangah a dam lo mi hi minung 100 leng an si cang i, a thimi 6 an tling cang. Atu hi US state 13 ah mah zawtnak angeih mi hna hi fiangterh an si cang.  US nih cun mah zawtnak hin fawi tein a ramchung mipi runvennak a tuah kho lai tiah an zumh tuk ko nain a kham kho ti lo. Cu caah US ramchung mipi an lau tuk i an thin phang tuk cang. Cu caah ramchung mifim le ruahnak kaupi ruahnak a ngeimi hna nih ralrin nakah tiah facang zuarnak dawrah facang an cawk thluahmah.

Chungkhar khat nih facang tun 50 hna an cawk tiah thawngtheih a si. Cu caah State cheukhat ah cun facang dawrah facang an i zaa ti hna lo. Dawrah facang cawk ding a um ti lo caah Laimi cheukhat cu an lungrethei ngai tiah theih a si. Zawtnak nih US ram a hnursuan tak tak sual ah cun mirang cheukhat hna cu lengchuah an i tim ti rua lo. Innchungah ibenh an i tim cang a si lai.

Pathian nih Laimi kan umnak kip ah kan veng hram seh. Ramthumnak akalmi hna caah a har ngai ngai ding asi. Riantuan loin zeidah kan ei lai. Mirum caah cun lengchuah loin athla thla zongin an um ko lai nain riantuan chom tein tirawl eiding a kawlmi Chinmi caah cun a si kho ti lo. Cu caah CHin miphun cungah hibantuk zawtnak thalo tihnung hi tlung hram hlahsehlaw, Pathian sinah thla cam cio ko hna usih.

Be the first to comment on "USA ah um mi Chin mi vialte kan tlai sual hlan ah ralrin tein um cang u sih, midang nih cun ralrin tein an um cang ko hi"

Leave a comment

Your email address will not be published.


*


error: Content is protected !!