USA cu khuaci a mui tuk cang, a thi lai tiah chia mi an tam kho ning hi

Vawlei ramkip data kan zoh ah cun zawtnak a ngei mi hi 999907 an phan cang i, a thi mi hi 51464 an phan cang. American ram chungah 236 330 nih mah zawtnak hi an chon cang i, a thimi zat hi 5783 an phan cang i, a thilai tia zum mi case hi an tam tuk cang i, mah hna hi 5421 an phan cang.  Vawlei pi nih lungretheih pi asi ko.

Minute 2 chung ah minung 1 tlukin an thih caah Newyork pyine ah acang mi thawngpang chia lak ah bawmh dingin Vuanci Bill Delbibla Cio nih President Trump sinah ahal . “Mah hi kan ruah lo ning in thil acang mi si caah ara dingmi caan ahcun timhlamh cia aherh ,a luancia caan ah kan hal mi kha afiang ko lai . Sii lei riantuan na kan chiah piak chap aherh ko “tin ahal .

Nurse 1000,thawchuah nak lei athiamsang mi 300,Doctor 150 tin April ni 5 ah na kan chiah piak lai tin Trump sinah an hal. A ra lai dingmi caan ah asining azual chin lai caah khuapi kip ah siizung za leng sak dingin March 31 in an cawlcang cang. American Engineering Co-operation nih hman chom ding siizung 340 sak ding caah Hotel,akhan, hmunhma kau pawl cu pahnihnak Bochoh ABC News Good Morning America programe ah an chim . American ram ah COVID-19 ruangah athi mi 100000 in 200000 hrawng an si khawh caah khuapi deuh ummi nih inn chung ah erh dingin an thanh hna . Inn man zong pek lo in um chung rih uh tin an thanh hna tin theih asi.

Chin Ramkulh Cozah nih COVID-19 Outbreak ca ah lakhruak hman ding tangka 1 billion hman ding timhtuah>>> Chinram zong ah  COVID-19 Outbreak (ruahlopi in ton sual) tiang kan phak sual a si ahcun lakhruak hman ding tangka  1 billion hman ding in timhtuahnak kan ngei tiah Ramkulh COVID-19 Runvennak Committee lutlai Minister Pu Pau Lun Min Thang sin in kan theih. Tangka 1 billion Outbreak ca ah an chiah mi kong he pehtlai in Minister Pu Pau Lun Min Thang nih, “Tangka 1 billion Chin Ramkulh ca ah hman ding in timhtuah a si. Asinain, 1 billion hi lakhruak (emergency) a can i a herh taktak caan lawng ah kan hman lai,” tiah a chim.

Chin Ramkulh Peng kua chung ah COVID-19 i runven khawh nakhnga Ramkulh Cozah nih Peng khat ah tangka sing 20 cio bawmhnak a pek hna lai tiah kan theih. “Cun, Outbreak kan ton sual i lakhruak (emergency) tiang kan phak sual a si ahcun hman ding tiah Ramkomh Cozah sin ah a hlankan tein rak hal mi a si. Outbreak tiang kan phak a si ahcun hman khawhnak nawl Ramkomh Cozah nih an kan pek cang,” tiah a chimchap

Be the first to comment on "USA cu khuaci a mui tuk cang, a thi lai tiah chia mi an tam kho ning hi"

Leave a comment

Your email address will not be published.


*


error: Content is protected !!