USA cu thawngpang a chia lengmang caah USA Sibawi thiampawl nih an bia chim mi an thlen; Inn ah um lawng si khamhnak lam si cang ko hi

A thimi an tam chin lengmang caah US expert pawl hna mak an ti tuk cang i, a hlan ah an rak chim cia mi kha an thlen cang. USA cu nikhat chungah a thimi an tam tak tak ko ee!! US mipi nawl an ngaih lo ning hi cu a mak tak tak, mah bantuk in a thimi an tam ko bu in lengah an chuak i, a cheu cu mask zong hmang duh loin an um ko. Mah bantuk in thimi an tam lio ah Chinmi tampi cu rian an ttuan peng i, minung hi zeibantuk in rum ko hna hman u sih law, kan nunnak hi a dih ah cun tangka pawl hna cu zeihman a si lo.

I ralrin chinhin han su si. USA cu zaangfah a si tak tak cang, a thimi an karh thluamah cang i, rian ttuantu pawl zawng mitthli he an um ko cang. USA dirhmun hi a chia chinchin lengmang caah ralrin lo ah cun mah zawtnak hi fawitein chonh khawh a si caah i ralrin hi sii tha bik a si ko atu dirhmun ah cun

US-ah COVID-19 zawtnak ruangah mi 28,554 an thi cang. A damlo mi hi 644,348 an phan cang. USA caah cun khuaci a mui tak tak. A tu dirhmun zoh ah cun mah zawtnak ruangah USA mipi a thi ding mi minung cu a tlawmbik ah 240000 hrawng cu an thi lai tiah zum a si. Zahan suimilam 24 chung ah minung 2569 bak an thi.  Mah hi atu coronavirus zawtnak in nikhat ah a thi tambik record a si. President Trump nih a tu hi cu a thimi an tlawm thluamah cang lai. Peaks day cu a dih cang caah May nikhat thawk in rian thatein ttuan khawh a si cang lai tiah a chim

Institute for Health Metrics and Evaluation nih Model nih an ser ning ah cun Nikhat Ni (Monday) kha a thi tam bik caan (Peak ) a si lai an ti. Natein nithum ni (Wednesday) a vun phan tak tak cu minung 2569  bak an thi i cun mah zawtnak ruangah a zawtmi hna cu  644,348 bak an vun phan cang.

US mithiam (Expert) pawl nih cun August ah cun 68,800 nakin tam deuh an thi lai tiah an chim cang. New York state ah a zawtmi zat hi 214648 an si cang i,a thi,i dihlak in 11,586 si, zahan ah 752 an thi tthan. New Jersey 71,030 a zawtmi an um i, a thi mi hi 3,156 an phan cang. Massachusetts ah 29,918 damlo an um cang i, minung ,1,108 an thi cang. Michigan 28,059 an zawt cang i a thimi hi 1,921 an si cang. Louisiana ah a zawtmi 21,951 an si i, a thimi dihlak hi 1103 an si cang

Be the first to comment on "USA cu thawngpang a chia lengmang caah USA Sibawi thiampawl nih an bia chim mi an thlen; Inn ah um lawng si khamhnak lam si cang ko hi"

Leave a comment

Your email address will not be published.


*


error: Content is protected !!