USA President A Ttuan Kho Dingmi Cu A Tang Lei Bantuk Mi Hi An Si Lai

US president ca i ai Candidate kho dingmi cu (1) US i a (Kokekbak) mi (US citizen) a si lai. (2) Kum 35 a tling hrim hrim mi a si lai. (3) US ah a tlawm lei kum 14 chung umcangmi a si lai US President i kum no cem hi Theodore Roosevelt a si i a kum 42 a si in President a ttuan (1901).

Theodore Roosevelt hi thimnak in a tling i a ttuanmi silo in, Vice President a ttuan liao ah President a ttuan mi William Mckinley cu an kah i a thih ruangah, US phung ningin President a ttuan nak a si. Thimnak (election) i a tlingmi lakah kum no bik President cu John F. Kennedy a si i kum 43 a si ah a ttuan (1961-1963). A term a dih hlan ah an kah nakin a thi tthiam tthiam.

US President lak ah mirum taktak pawl:
(1) Donald Trump (2017- ) $ 3100 millions.
(2) John F. Kennedy (1961-1963) $ 1100 millions.
(3) George Washington (1789-1797) 587 millions.
(4) Thomas Jefferson (1801-1809) $ 236.8 millions.
(5) Theodore Roosevelt (1901-1909) $ 139.7 millions

USA president nihcun ram uk nakah nawlneih nak (veto power) tampi a neih. Khualtlawn nakah Boeing 747 (Airforce One) vanlawng nganpi a hman khawh. Amah zohkhenh tu Secret Service tampi a nei hna. A thlahlawh (lahkhah) hi kumkhat ah US $ 400,000 a si.

Pumpak hman ding kumkhat ah $ 50,000, khualtlawn tik i hman ding $ 100,000, entertaiment hrang $ 19,000 pawl hihi a thlahlawh pin ah a hmuh chihmi a si. US President tthing pawl i pension hi kumkhat ah $ 219,000 an hmuh i an nupi le pawl nih kumkhat ah $ 20,000 an hmuh.

President, Vice President le an chungkhar pawl nih an dam chung zohkhenh tu Secret Service cozah nih an pek hna. Ram thangcho an si bantuk in President pawl covo hi biapi tuk in an chiahnak zong a si.

 

Be the first to comment on "USA President A Ttuan Kho Dingmi Cu A Tang Lei Bantuk Mi Hi An Si Lai"

Leave a comment

Your email address will not be published.


*