USA President thar a si ding mi Joe Biden hi; mah bantuk in fawitein cohlan kho mi cu

Coronavirus ruangah USA a buaituk caah Presidential election kongah thawngpang ttialtu pawl nih an tial tam tuk lo caah mipi lei zong nih President thimnak caan November 3 cu an lungah a um tuk lo. Mah bantuk caan chia lio ah zeitindah ka him khawh lai ti lawng an ruat lo a si

Natein USA cu vawlei cungah ramthawngbik le vawlei cung ramkip nih theih an duh tuk mi thil pakhat ah USA Presidential Election hi a tel caah atu cu thawngpang ah theihpa lengmang a si

Democrat Party nih President Donald Trump hi a ho nih dah a tei khawh lai tiah fakpi in an tuak tang hnuah ah Vice President a rak si cia mi Joe Biden, Obama he kum 4 rian a rak ttuanti mi cu presidential Candidate caah an cohlan ti House Speaker Nancy Pelosi nih a chim cang.

Nancy Pelosi a chim ning ah cun Joe Biden hi mipi caah rian fakpi a rak ttuan cang mi le, thil a theih ngai mi a si i, Kum 2009 lio ah economic a tthan khawhnak caah fakpi in rian a rak ttuan cang mi a si tiin Joe Biden cu fakpi in a thangthat hlei ah mah bantuk in vawlei cung ramkip nih coronavirus ruangah harnak a tawn lio ah USA President caah hruaitu thabik a si lai tiah Joe Biden kong achim- Source- VoA

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor

 

Be the first to comment on "USA President thar a si ding mi Joe Biden hi; mah bantuk in fawitein cohlan kho mi cu"

Leave a comment

Your email address will not be published.


*


error: Content is protected !!