USA ramchungah thil cangmi cu ttih nun bak si ko; Pathian hremnak a si an ti le, a si kho mi si cang

Coronavirus zawtnak nih vawlei cung ramkip muinak khur ah a kan lut pi lio ah thil mak le khuaruahhar ngai mi tawn thluamah a si caah atu thil a cang mi hi mi tampi nih Pathian hremnak a si tiah an zumning an chim thluamah cang. Pathian rian ttuantu tampi zong nih atu kan tawn cuamah mi kongah minung kan sual tuk cang ah, Pathian loin zei poah hi tuah khawh le um khawh ah kan nih ruat cang caah Pathian nih ka um ve ti ka thei hna seh law tiah a ti caah mah bantuk hi vawlei ah a tlungter tiah a chim mi an tam ngai.

USA ram chung state pakhat Oklahoma ah thil mak ngai mi a tlung mi, mi nih mak an ti ngai mi cu ruah tampi a sur i, cun rial nih motaw thlalang a kuai i a hrawh. Mah bantuk ruah tam le rial nganmi cu mak an ti i, motaw thlalang cang tuk mi zong a kuai khawh mi cu mak an ti ngai. Oklamah ah mawtaw tampi a hrawh  cang tia thei a si. Mah bantuk rial nganmi hi zeitluk ruah a sur zongah a tla bal lo i a tu rial a tla mi hi cu a ngan tak tak. State dangah zong ruah tampi a sur hlei ah rial tampi a tla i mawtaw tampi a hrawk piak hna tia thei a si- Tulsa World

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor

Be the first to comment on "USA ramchungah thil cangmi cu ttih nun bak si ko; Pathian hremnak a si an ti le, a si kho mi si cang"

Leave a comment

Your email address will not be published.


*


error: Content is protected !!