USA um Chinmi caah Hnulei Sabarh, Sii ko Cang hih!

Covid-19 bomhnak konghe pehtlai inTrump nih veto power a hmang ning chinpage ah fiangtein ka rak tial cang. Minung pakhat ah $600 ti mi kha, Trump nih a tlawm tuk, mah bantuk caan chia karlak ah,

mi tampi rian tuan lo in an um i. US mipi nih harnak an tawn ning a faktuk cang caah a tlawm bik ah $2,000 bawmh si seh tiin a duh ning a langhter, a chim.

Mah bantuk in a chim hnuah House Speaker, Nancy Pelosi nih ready kan si. President Trump chim mi hi tuah hna u sih tiah rem a ti ve.

Atu cu thawngpang fiang tein theih a si cang. Mah bantuk in President Trump nih a tlawmbik ah $2,000 bawm hna u sih tiah a chim mi kha, Senator Graham nih a cohlang piak in a tha a ti.

House Speaker Nancy Pelosi (D-Calif.) nih mah kongah thawngthanhnak a vun tuah cang i, Mah bawmhnak kong hi Nikhat Ni/Monday ah ceih ding in House member sin ah theiternak a tuah cang

Mah bantuk in President Trump nih a duh ning alanghter cang caah Republican pawl nih an doh lai lo ti kha a fiang cang caah US mipi sin ah minung pakhat ah $2,000 bawmh an si lai ti kha a fiang cang ti khawh a si. Source-Theepochtimes

Milar, Karen Hardin nih President Trump Ca a kuat mi nih mi tampi lungthin kek kuai in a chiah hna…

Karen Hardin hi milar, ca tial thiamtuk mi, mi caah nawlpiaktu, literary (Cathiamnak lei he aa pehtlaimi) Agent a ttuan lio mi a si.

President Trump a rian ttuantu pawl nih an tuah ning le Media pawl nih an doh ning vialte kong he pehtlaiin aa sum kho tive lo caah mah bantuk in President Trump sin ah Open Letter bak in ca akuat.

A ca kuat mi hi atthat tuk caah Media tampi nih an langhter mi a si. President Trump sin ah ca a kuat mi cu, ” Dear Mr. President, White House ah rian tuan na awt bak in heh tiah lih le hrokhrawl, na pumpak, na chungkhar kong le hruaitu na sinak kong ah heh tiah doh le kalh na si, mah bantuk in na cungah an tuah mi na thei ko bu in heh tiah na ing peng caah a hmasa bik ah na sin ah lunglomhnak bia ka chim

Na chim bantuk in, keimah an ka do lo, nan mah nih (US mipi) an in doh hna na ti mi kha, atu cu fiang tein ka zumh I ka theih cang. lih le hrokhrawl in thil an tuahnak lampi ah na um caah mah bantuk in heh tiah doh le soisel, thangchiat, mualphohnak na ton mi hi a si, a ti.

Hi bantuk in na lahkhah hmanh laa duh lo in le ni fatin US mipi caah heh tiah rian na tuan, mah bantuk in thil tha na tuah peng buin na thil tuah mi kong pakhat hmanh an chim duh lo, mi le

Media tampi nih na rian ttuan ning hi thup dih an timh. An chim duh lo, Natein US ram caah rian na tuan ning hi kan theih dih cang. Atu cu an caah na sunglawi ning a lang chin lengmang cang lai, tiah thangthat

Upat nak a pek.

Sudan, Bahrain, UAE le Morocco hna cu Israel he rem daihnak na ser piak hna. History ah sunglawi tuk mi thil na tuah. Mah na thil tuah mi hri hrim nih hin Middle East le Africa caah thil sunglawi tuk mi a si

US le China kongah na rian ttuan ning kan theih dih, thangthat awk tlak hrimhrim na si, Ameria ralkap hna heh tiah na dirpi hna caah kan i lawm tuk hringhran US ram economic na thawngter tuk caah kan i lawmtuk. Covid hlan ah US mipi rian tampi na kan ser piak. Ahlei in minak pawl caah a tam khun, Miphun thleidannak hrim hrim na nei lo. A sunglawi tuk mi thil na tuah piak hna

US president a rak si mi pawl nih biakamnak an tuah mi, natein tlam an tlingter bal lo mi, nang cu, na chim ning bantuk in na tuah dih. Jerusalem ah US Embassy na thial. Middle East le Israel pehtlaihnak tha tein na tuah pi khawh hna. Mah vialte na thil tuah mi ruangah US zong Pathian nih thluachuah tampi a kan pek lai, tiah beisei nak sangpi kan nei.

Thil na tuah mi tampi chim ding a um, mah vialte hi kan philh lai lo, Media pawl nih heh tiah anin soisel, thangchiat zong ah kan mah nih cun kan in upat, kan in thangthat chin chin. Mi hnahchuah a hmang mi, minung tlawmte nih na thil tuah mi an soisel lai. A chim mi a tuah lengmang mi, midik/True “person of the year” sinak kan in pek peng zungzal hna lai

Na lungdawng hlah, na thil tuah mi a hmaan mi lawng te an si, heh tiah thla kan in cam piak. Thil zeipoah a control tu cu Pathian a si. Atu caan hi caan chia a si cang. Mah bantuk buainak vialte hi nangmah tuah ding mi a um ti lo. Pathian kut cak a lang cang lai, tiah a ti, a hnemh.

Thlacam nak he fakpi in na hnungah kan dir peng. Pathian nih a mi hna cu minung kut in a khamh tawn hna. Pathian thim mi na si caah na sin ah lunglawmhnak tampi kan ngei. Thlacamnak he heh tiah kan nih dirpi peng, zungzal lai a ti. Source- USA Today

 

Be the first to comment on "USA um Chinmi caah Hnulei Sabarh, Sii ko Cang hih!"

Leave a comment

Your email address will not be published.


*