USDP Lei nih 2020 Kawlram Thimnak Tuahthan Dingin An Hal Hna ( A Poi ko Ramchung Ral A Chuak Kho Men Tak Cang) +Video

USDP nih 2020 kawlram pumpi i thimnak ah a chuak mi result cu an duh lo i phung ning tein asi lo an ti caah thimnak tuahthan dingin UEC ah an hal than hna . USDP nih hin thimnak cu a dih cang ko nain dik tein i thimnak a si lo caah November 10 ah kawlram pumpi thimnak tuahthan hrimhrim dingin an hal than hna hi a si .

Asinain UEC lei nih cun thimnak cu official tein November 8 ah tuah a si cang i a sungmi le teinak a hmumi zong theih a si dih cang caah thimnak tuahthan timi cu a phung a um bal lo , cucaah nan kan hal nak hi kan cohlang kholo tiah an rak leh ve colh hna .2020 thimnak tuahthan dingin a hal tu bik hi Shan ram Tachilite Myone i USDP pawl an si i an mah duhning ah cun November 10 ah tuahthan dingin an hal hna .

2020 Kum Hrilawknak Tuahsal Ding In USDP Nih An Dil ..

Shan ram Tachilite myone in an mah Myone thimnak a tlaitu pawl sin ah thimnak tuahthan dingin an nawl hna hi a si i Myone UEC nih cun “Nan hal mi hi phung he ai kalhmi a si , Election a dih hnu ni 45 a rauh hnu ah phaisa ting 5 deposit nan chiah lai i rampi UEC sin ah duhlonak nan langhter khawh tiah an rak leh hna .

Shan ram i thimnak ah USDP lei nih buainak an chuahpi a si ah cun kawlram pumpi USDP an dir lai i ramchung ral zong a chuak khomi a si tiah mipi thinphang ngai in an um . {Video}

Be the first to comment on "USDP Lei nih 2020 Kawlram Thimnak Tuahthan Dingin An Hal Hna ( A Poi ko Ramchung Ral A Chuak Kho Men Tak Cang) +Video"

Leave a comment

Your email address will not be published.


*