Vawlei Cung Nungak Muidawh Cem Ah An Thim Mi Top 2 A Hmanthlak Pawl Cu An Turu Lawlaw

Kum chiar tein vawlei cung ai dawh bik mi a thimnzungzal tu TC Candler nih cun 2020 hrang hrang vawlei cung i muidawh bik a thim mi cu, mipi sin ah theihternak a neih cang i kum 19 nute Israel nungak Yael Shelbia a si. Yael Shelbia cu TC Candler nih 2020 kum hrang vawlei cung muidawh bik a thim mi top 100 ah top 1ah a chiah.

Amah cu Israel miphun le nungak a si i, 2001 kum i a chuak mi kum 19-nak hmang cuahmah mi Israel model lar a si. Kum 15 a tlin in a mui ai dawh tuk ruang ah Model ah a rak lut cang i 2016 kum in mipi nih an rak theih mi a rak si cang. 2018 kum ah top 3 a rak luah cang i 2019 kum ah top 2 luah in 2020 ahcun top 1 bak a luah khawh cang.

Tu ahcun Israel miphun hrang ah i pumpe in 2020,April thla ah ralkap a rak lut i vanlong ralkap dirhmun in Israel ram hrang ah a tuan cuahmah. Cubu cun a model rian cu a tuan chih khawh thotho i, zuknung ai zeih khawh pin ah hngakchia zohnuam film zong ah ai tel kho thiamthiam.

Vawlei cung muidawh bik top 1 a si nak kong ah Yael Shelbia nih cun “Top 1 ka si ding hi kai ruah bal loh i tutan ah TC Candler i thim mi 100 Most Beautiful Faces of the Year ah top 1 ka si khawh mi hi cu kai lawm tuk hringhran. Culawng siloin top 1 ah mipi nih an ka thim mi hi cu kai lunghmuih lawlaw” tiah a ti.

Top 2 ah vawlei cung huap i a lar bak mi Korea Kpop band lar Blackpink member chungin Lisa a lang. Amah cu Thailand miphun 1997 kum i a chuak mi kum 23 mi a si. 2010 kum ah Blackpink neitu YG Entertainment ah ai zuam ding in minpe mi a si i,Thailand in hminpe 4,000 an um. Mahcu chungin Lisa pakhat lawng cu thim a si.

2016 kum ah Blackpink member he cawlhcangh hram ai thok i vawlei cung huap in a lar cang. A mui ai dawh, lam a thiam pin ah hlasak a thiam tuk i, Blackpink member chung lak zong ah an duh tuk i tukum chung ah YG Entertainment nih cun solo Album chuahpiak an timh.

Credit : VAPUAL AUAW

Be the first to comment on "Vawlei Cung Nungak Muidawh Cem Ah An Thim Mi Top 2 A Hmanthlak Pawl Cu An Turu Lawlaw"

Leave a comment

Your email address will not be published.


*