WHO nih China a dirpi i, China nih mual aphoter cang, i cei cik cek cang seh. President Trump bia chim mi kha an nih fiang tak tak cang ko lai hi

Tuluk Cozah Nih Covid-19 A Thawkning Chek A Duh Hlei lo… Vawleicung ngamdamnak bu, World Health Organization nih Coronavirus a thawk ningcang kherhhlai dingah Tuluk coza nih an duh lo pin ah a bawmh zong an kan bawm duh lo tiah tuchun ceo ah WHO rianngeitu nih Sky News Interview ah a chim.

World Health Organization (WHO) representative, Dr. Gauden Galea nih Tuluk cozah sin ah Virus a thawkning hlathlai dingah voi tampi kan hal hna nain Tuluk cozah nih an duh hlei lo” tiah a chim. Tuluk cozah nih cun WHO expert pawl sin ah Coronavirus cu minung sermi si loin saram nih minung ah a chonhmi zawtnak in a thawkmi a si” tiah an al peng hna.

Dr.Gauden Galea nih Tuluk ram Wuhan khua i a ummi, laboratories pahnih hi chek kan duhmi a si. Mah kan chek khawh lawngah hmalei ah zeitindah pandemic in kan i ven khawh lai timi aphi kan chuah lai, saram zawtnak minung sin a phakning hi a biapi tukmi a si caah kan kerhhlai hrimhrim a herh, tiah interview ahcun a chim.

Coronavirus cu Tuluk cozah nih Saram in minung sin lawngah a chonh khomi a si, minung le minung chonh khawhmi a si lo tiah WHO sin ah report a pek. Mah report apek mi cu WHO nih an zumh i, Tuluk cozah lehlam cu an thangthat hna. Asinain atu lawngah WHO nih Tuluk cu mawchiat hram an thawk ve cang.

Taiwan cozah nih Januarty thla ah Wuham i a chuakmi virus hi minung le minung chonh khawhmi a si ko tiah WHO sin ah report ca an tial nain WHO nih zei ah a rel lo. Wuhan khua a zual tuk hnu, minung tampi an thih hnu, lock down an tuah hnu lawngah Tuluk cozah nih minung le minung chonh khawhmi a si tiah WHO sin ah thawng a thanh. WHO nih anmah tein hlathlainak an tuahmi a um rih lo ti a si. Tuluk cozah nih WHO sin ah an thawngthanh mi a tlai tuk caah ramdang tampi ah a hlankan in an i veng manh ti lo.

President Trump nih WHO cu Tuluk cozah a huhphenh tu nan si. Tuluk cozah lei ah a ttangmi bu nan si tiah a ti hna. Cucaah President Trump nih US nih WHO ah kum khat ah US$ 400-550 million bawmhnak apek tawnmi cu a chah piak colh hna. Tuluk cozah nih cun kum khat ah WHO ah US$40 million lawng a thawh.Credit- Salai Lairamthang

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor

Be the first to comment on "WHO nih China a dirpi i, China nih mual aphoter cang, i cei cik cek cang seh. President Trump bia chim mi kha an nih fiang tak tak cang ko lai hi"

Leave a comment

Your email address will not be published.


*


error: Content is protected !!