WHO nih Nifa in Vawlei cung Coronavirus record mi theihternak

Geneva: the world Health Organisation nih a nifa in coronavirus in mithar a damlo mi hna zat le vawlei cung a dirhmun hi zeidah a lawh timi a rak langter than i an hmuh mi cu vawlei cung ahhin nikhat 24 hours chung ah 189,000 hrawng bak a dam lo mi hna hmuh a si tiah a chim.

 

Zarpini ahkhan UN health agercy nih record ah tuah ning khan cun 183,000 cases hrawng in a langter i cu hnu ah WHO nih 189,000 tiah an langter than , a karh a rang tak tak tiah hmuh khawh a si.

 

Brazil ram hi nikhat ah cases a thar a kai mi an tam biknak ram a si i , Nikhat lawng te hmanh ahhin 46,800 ban an si i US hi a changtu a si Nikhat ah 44,400 an si ve cun India nikhat ah 20,000 bak a rak phan bal ve.US hi tutiang ahcun case a tam biknak a si i total Cases hi 2,450,000 an si Brazil a lethnih tluk a si.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.
English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor

Be the first to comment on "WHO nih Nifa in Vawlei cung Coronavirus record mi theihternak"

Leave a comment

Your email address will not be published.


*


error: Content is protected !!