Yaw Kee caah thawngtha tuk mi, MMID Season 4 top 4 in a tla mi Yaw Kee cu khua mi dihlak in dirkam an nih tim cang

MMID Season 4 top 4 in a tla mi, mi tha le mi fel tuk mi Yaw Kee caah thawngpang tha tuk mi a si, mah bantuk in Yaw Kee hi dirpi asi ah cun Wild Card in a ra tthan te lai tiah zum a si. Yaw Kee hi a hram thawk in  a dawng tiang a hlasak ning le kar a hlan ning zoh ah cun a tlak bik tiah mi tampi nih an ti caah Kalay-kabaw ah um mi kan chin unau vialte nih dirpi an nih tim cang.

Tan Khun Kyaw hi amak bakmi, hlasak thiam aw tha tak tak a si. Nain mee tlawmtuk a hmuh ruangah a tlak kha a si. Tuzan ah Yaw Kee atla than ve. Amah zong athiambak mi, top 5 tiang aphan khomi a si. Anmah hna pahnih lakah pakhat cu tha tein auh khawh a si cang. Chinmi nih kan itinh ko ah cun auh than khawhnak lam tampi a ong ko. Amahbelte caan rikhiahmi chungah auh an si lai. Mah hna pahnih lakah mizei deuh hi dah auh than dingin na duh deuh, aho hi dah rak kir than sehlaw ti na duh deuh …

Hika zawn teah ruahnak pakhat a ummi cu, kanmah Chinmi cu miphun tlawmte kan si hna. Miphun atlawmtukmi chungin tutan ah minung 4 bak Idol zuamnak ah an um tikah lungkhan in mee kan pe kho hna lo. Kan mee aa then thek ngai ngai. Atu cu minung 2 lawng an tang cang i, mah a tangmi 2 ah hin Chinmi kan mee aa fun deuh ngai cang lai zumh a si.

Cuti i kan mee aa fun khawh ah cun Esther le Benjamin hna pahnih hi top 3 ah an tling kho cang. Top 3 an phanh ah cun WINNER le RUNNER an si kho cang ti a fiang. Kan mee aa then thek dih ah cun miphun dang nih mee in fawi tein an kan tei than khawhmi a si. Cu caah mah ka zawn te ah hin lungfim tein khua kan ruah a hau. Ruat setmat buin khua kan khan a hau ko lai.

Be the first to comment on "Yaw Kee caah thawngtha tuk mi, MMID Season 4 top 4 in a tla mi Yaw Kee cu khua mi dihlak in dirkam an nih tim cang"

Leave a comment

Your email address will not be published.


*