YouTube In Mipi hrang I ṭangkai Bak Ding mi Feature thar Hmanhram Ai Thok Cang

YouTube cun a platform hmangtu pa khat le pakhat i upat tawn khawh nak ding in le i huat nak bia dihter ding in tuzing December 7 in YouTube comment section hrang ah feature thar hman a thok cang.

“YouTube i comment mi pawl kan zoh tikah biaholh chia in hmanmi biaholh tampi kan hmuh lai. Cu bantuk i huat nak kong biaholh chia an comment tikah comment section ah lutter colh lo in kan block colh. Mah cuah i upat ton ding in le biaholh dawh hmang ding in ralrin nak ding ah ca tlawmpal kan langh ter”

“Asinain, an duh ahcun biaholh dawhcah lo in an comment khawh thotho. Biaholh an hman mi ai dawh lo ning, thil post tu le comment reltu a ngeihchiat ter ning kan theihter duh mi a si i, asianain an duh ah cun an comment khawh thotho.”

“Cun, YouTube i video thlah tawn tu pawl sin in feedback kan don tambik mi cu comment section i negative comment he ai pehtlai dih. Comment section hi Video tuahtu pawl hrang i biapi mi pakhat a si i, viewer pawl he pehtlaih nak an nei nak hrang i biapi mi pakhat zong a si. Cu bantuk ruang ah le, Cyber bullying demter deuh beisei in YouTube feature thar kan tuah mi a si” tiah YouTube Product Management Vice President Johanna Wright nih cun YouTube comment section hrang feature thar an tuah mi cu US ramchung media sin ah a chim.

Google support team i riantuan mi Sarah zong nih “Tuizing in YouTube hrang feature thar kan hmang thok cang. Mah cucu comment tu pawl hrang i reminder pakhat a si i khat le khat i upat tawn thiam nak ding ah kan tawlrel mi a si. Tu ah cun Android hrang lawng a si rih i Android he biaholh dawh lo hmang in, YouTube i an comment tikah a hlan bantuk in a post colh lai loh.

Cuhlei ah YouTube nih cun Live thlah tawn mi pawl hrang ah comment remh khawh nak tool thar zong a tuah colh ti a si.

Credit : Falam Online Media

Be the first to comment on "YouTube In Mipi hrang I ṭangkai Bak Ding mi Feature thar Hmanhram Ai Thok Cang"

Leave a comment

Your email address will not be published.


*