Zaantim ah ralkap nih nan inn an ra ahcun hi bantuk hin mipi na theihter hna lai

Kan kawlram cu ralkap nih mipi hna sinah an tuah mi pawl hi zochia tuk hring hran khi a si. Ralkap nih kanram Nawlngeihnak fir i
Democracy duhtu hna sandah piah mi hna kha an thah hna. Cu pinah Mitlaih le hrem in an i chok. An tlai khawh mi hna kha Thong an thlak hna.

Kanram ah mifim le hruaitu pawl kha tlai duahmah an tim hna.cu caah ralkap nih tlai kan tongh nak hnga lo mipi kha tha tein kan i ralrin a herh cang. Ralkap nih an tlai mi hna hi a cheu cu sandah piah nakah an tlai hna. Nain a tu i ralrin ding mi cu zaan ah inn kip ah lut in an tlai te hna lai. A bik in kanram ah hruaitu tha tha kha ralkap nih an inn ah zaan tim hna ah an lut hnawh te hna lai caah a ho poh kha i ralrin cia kan herh.

Kanram hi ralkap nih a uk tikah mipi nih CDM hmangin kan do cuamah hna caah ralkap nih an duh mi poh kha an tlai ko hna lai. Cucaah zaan nan it tikah kutka tha tein nan hrenh lai. Zaan tim hna ah nan innka onh aa tim mi le nan innchung lut aa tim mi an um ahcun tha tein na hlet hnu ah na theih mi an si ahcun innka na on hna lai.

Nain na theih lo mi le Lunghrin mi an si ahcun innchung in kan chuah hnawh u tiin fak piin au kha a zoh a chia deuh caah na kheng kha na lak lai i na tum lai. Na kheng na tum hnu incun na inn pong i a um mi na inn pa chak thlang hna zong nih an tum ve lai i misual kha mipi nih hmunkhat ah nan chuah hnawh lai.

Hi bantukin emergency ah zaantim ah ralkap nih nan inn ah an ra sual cun kheng tum kha philh lo ding a si lai. Kan inn pa hna zong nih ralrin a herh mi cu kan inn pa nih kheng a tum sual ahcun bawmh an herh cang ti mi kha kan pawngkam le inn pa chak tlang nih kan i hngal pi nak lai i bawmh chan cio usi. Hi bantuk hi ralkap nih an theih lo nain mipi nih ralkap kut in kan him nak caah a si. Mah hi khoika hmun poh ah i ralrin a herh caah kan hawile kawlram a um mi caah share ve hram aw.

Be the first to comment on "Zaantim ah ralkap nih nan inn an ra ahcun hi bantuk hin mipi na theihter hna lai"

Leave a comment

Your email address will not be published.


*