Zeiruang ah dah Chinese nih kawl ralkap hi a dirkam peng hna

Zeiruang ah dah Chinese nih kawl ralkap hi a dirkam peng hna

Tulio kawlram buai nak he peh tlai in UN meeting zongah kawlram kong an ceih fatin hi China le Russia nih kawl ralkap a dirkam peng hna caah UN nih zeibia hman kawlram baui nak he pehtlai in an chah kho tawn lo

Zeiruang ah China nih hin kawl ralkap party hi a dirkam peng ko hna timi bia hal nak cu
Tulio china ummi china ramchung konglam a cawg lio mi Ko Yan Paing Pyo nih hitihin a chim

A pakhat nak cu China ram nih a ngei mi zawl phung hrimhrim ah hin ramdang mi buai nak ah i tel lo ding tihi an rak ngei caah tulio kawlram buai nak zongah hin an duh lo duh lo zongah an mah pumpak in va kal in va telpi ding hi cu an mah ram zulh phung he a kalh mi a si

Nain tuhi kawlram chungah china nih sehzung le company cheukhat an tuah mi pawl hi a thawk kaa lawng a si rih i a dih rih hna lo ,cu caah an mah lei in cun zeiban tuk party an kai hman ah hi an company pawl hi cu dih tiang tuah hrimhrim dingin a timh mi a si

Tuhi Ralkap nih aa-naa an lak than tik ahhin ralkap nih hin aa-naa hi an lak thai kho hnga maw si lo a dang lei hi bom ning hna law ralkap nih an tei than hna si cun ti a ruat caah biachah nak zeihman a tuah rih lo nak a si

China nih cun a mah sipuaizi hi a biapi bik ah a chia mi a si caah an mah tein i tuai hna seh law a tei mi sinah ramdang lei nih bom khawh lo dingin a tuah lai i a mah nih bom te dingin a bawh ko tiin chim khawh a si

China nih cun a biapibik ah a chiah mi cu a mah a sipuaizi hi a si i hihi sungh a duh lo mah lawng hi a mah nih a ruat mi cu a si .

Nai Hlaing Ta ya ah siizung a kangh mi cu china nih a khangh tu hna cu dantat dingin nawl a chuah ko nain ralkap pawl nih nitin te an kap thah mi minung ca bel cun zeihman a chim lo zeiruang a si timi an hal le a leh mi hna cu

China hi kanmah kawlram lawng a si lo a dang dang ramri rian a tuan ti mi ram pawl Africa tepawl sin zongah an ram buaibai nak tepawl ah a rak tel ballo .an tuanbia ningin cun

Nain china cu a thazang a vun thawng tik ah China rammi si lo le china rammi harnak pek nak ding thil pakhat khat an tuah si cun china mipawl an tho dih hna


Kha sizung a kangh lio zongah khan china nih an hmang bik mi social media ah mipi nih an thinhung nak an langter tuk caah an cozah nih a vun holh ve mi a si lai tiin ka zumh

China hi cu ramdang he an i lo lo nak pakhat te cu anmah rammi tanhpi le dawt timi hi an ngeih dih hna 

Be the first to comment on "Zeiruang ah dah Chinese nih kawl ralkap hi a dirkam peng hna"

Leave a comment

Your email address will not be published.


*