Zingnu Ee Mangbawi Annawl Rih u, Ahmun Than Lai US White House ; Donald Trump

US Republican party nih nikhat hnu nikhat hmaiah kan fong chin lengmang ti khawh asi. President Trump nih nizan ah achimmi cu, Mee ballots ah minthut mi hi tha tein an zoh dih ah cun Georgia ah fawi tein teinak ka hmu ko lai tiah achim. Hi minthutnak kongah Governor Brian KempaGA/the Secretary of State nih minthut zohnak dingah siannak nawl an pek le pek lo asi ko tiah ati.

Zeiruang ah dah Republicans minung pahnih nih an duh hnga lo? Georgia ah teinak kan hmuh bakah cun zeipoh hi dirhmun a fiang dih cang lai ati.

Donald Trump cu  Georgia lei ah a kal cang President Donald Trump cu GOP seat hnih ruah ah Georgia leiah aa thawh cang tiah report nih alanghter. Tutan hi Republican party caah cun abiapi taktak mi asi. GOP seat 2 hi an sungh sual ahcun US cu Democratic party kuttang ah a um kho mi a si. An duh ah van an kaipi hna lai, an duh ah vawlei tangah an luhpi cang hna lai tinak a si.

Lower House/Congress ah Democrats nih majority seat an hmu cang I, Senate ah Democratic hi seat 48 atu an dirhmun an si I, Republican hi 50 an si. Tutan ah thih le thih, nun le nun ti bakin Republican an cawl a hau cang. Georgia I seat hnih hi Democratic nih an lak than ah cun, Senate ah 50-50 an si lai caah Senate majority cu Dems an si cang lai a fiang. Zeicatiah,

Senate ah Kamala Harris mee 1 aa fonh chih lai I, 51-50 an si cang lai. A tu hi President Trump cu GOP seat 2 ruah ah Georgia leiah a kal hi asi. Anupi Melania Trump nih a zulh ve. Trump cu anupi Melania he GOP seat 2 hmuh khawhnak dingah campaign tuah ah a kal hi asi.

Teinak cu Pathian ta a si bantukin teinak cu kan kut chungah kan ihuum ti tluk in an I ruah cang.

 

Be the first to comment on "Zingnu Ee Mangbawi Annawl Rih u, Ahmun Than Lai US White House ; Donald Trump"

Leave a comment

Your email address will not be published.


*